السلام عليكم ورحمه الله وبركاته
بالبدايه عايشه مبسوطه مع زوجي لي خمس سنوات ودايما يقول انا مو مثل غيري اخون او اكلم بنات لان تربيتي صح ومقتنع بهالشي يعنني دائما يرددها علي وانا الغبيه مصدقه بالمررررره
الى ان حصل هالموقف:
زوجي سافر دوره بعمله لمده عشرة ايام وحبيت لما يرجع اسويله تغيير ليله ولا الف ليله آه منه . المهم حجزت بفندق جديد وطلبت كل شي وقلت لاخوي الصغير ابغاك تستقبل زوجي بالمطار وتودينا للفندق بدون مايدري بشي يعني ماخبرت زوجي بشي وانا ابكون معك بالسياره اذا رحت للمطار(لاني خفت اجلس لحالي بالفندق )
المهم
لما وقفنا عند الفندق ضحك زوجي وكنه اتلخبط وماقال شي كنه يفكر المهم نزلت انا وياه ..واخوي كان طالب لنا عشى من مطعم بجنب الفندق مباشره اول مادخلت عند الاستقبال قال زوجي اجلسي شوي ابغى خالد (خالد هذا اخوي ) وطلع وجلست انتظر المهم دخل زوجي وقلت راح خالد قال ايه راح .قلت وش تبي فيه قال ابغى اعطيه فلوس العشى اخاف مامعه (بنات زوجي مو راعي فزعه اعرفه بالفلوس ويدري اني دافعه لان لي راتب )
ماقولكم يابنات كانت معاملته احلى معامله حتى انا اقوله كنت توقعتك تعصب او تتضايق لانك ماتحب هالحركات حياوي شوي يقولي لاا ليش اتضايق منك وانتي حبيبتي ومن هالكلام )
من بكرى لبس وقال بنزل اخوي بيجي ياخذنا قلت بنزل معك قال لا بجيب السياره واجي اجلسي انتظري ماراح اتاخر (استغربت من هالتصرف وحسيت انه بينه وبين اخوي شي والي كان بداخلي شك بخوي مو زوجي اثري الدنيا عكس وانا مو فاهمه.
لما جاء العصر طلع زوجي لاهله يسلم عليهم ودق اخوي وجاني اصلا شقتي بجنب بيت اهلي
حلفته وش يبي فيك زوجي امس بالفندق قال ولاشي وبعدين قال سيديات جايبها لي؟؟ المهم ضغطت عليه وخوفته قال اعلمك بس تحلفين ماتقولين لزوجك . قلت اوكي قال ان زوجك اعطاني جهاز جوال وشكله قديم وقال خله معك وامانه لاحد يدري فيه هذا مو لي لاحد زملائي
آآآآآآآآآآآآآآآآه يابنات حسيت الدنيا كلها صغيره ماهي سايعتني من القهر .وعرفت كل تصرفاته باين الي مسوي شي غلط(اكيد الجوال فيه بطاقه بدون اسم وجالس يغازل وهو اتورط مايدري وين يخبيه لما رجع اكيد كان ناوي يخبيه بسيارته بس انصدم يوم وقفنا عند الفندق.
صرت بين نارين ماقدر اصارح زوجي وافتن على اخوي وماقدر اسكت كرهتة
لما رجع شافني ابكي والقولون تاعبني لاني اذا اتضايقت اتعب مررره من قولوني والله يابنات على طول قال خالد جاك؟؟؟؟ قلت لاا بس وش معناتها؟؟ الا انه خايف
لاتقولون احسني الظن وااااضح التهمه عليه لان صديقه الي قال لاخوي انه له الجوال زواجه بعد اربع ايام وموجود ماسافر كيف يتلاقى معه؟
بنات لو انتم مكاني (بعيد الشرعنكم)وش تسوون شوروا علي تعبت نفسيتي مررره الثقه والحب راااح كله وماني قادره اناظرله خاين غدار.
وكيف اكشف حقيقته قدامه؟
..طيبة القلب.. @tyb_alklb_12
عضوة نشيطة
كنت اقول يابختي بزوجي .. واتاري المويا تسري من تحتي وانا ماني داريه ..ابي رايكم تكفون
122
11K
يلزم عليك تسجيل الدخول أولًا لكتابة تعليق.
تعوذي من ابليس
ابعدي الشك لانه لايقددم ولاياخر الجئي لله وحاولي تكسبين زوجك
الله يسير امرك
ابعدي الشك لانه لايقددم ولاياخر الجئي لله وحاولي تكسبين زوجك
الله يسير امرك
ألم ورده :
آآآآآآآآآآآآه والف آآآآآآآآآآآه وربي حاسه فيك حسبنا الله ونعم الوكيل على هالخونه الله ينصرنا عليهم وعلى بنات الحرام أختي ألجأي لله و أكثري من الدعاء و أدعيله ربي يهديه ويصلحه http://forum.hawaaworld.com/showthread.php?t=2374744آآآآآآآآآآآآه والف آآآآآآآآآآآه وربي حاسه فيك حسبنا الله ونعم الوكيل على هالخونه الله ينصرنا...
امين يارب جزاك الله خير
ما أدري شو بقلك بس برأيي لازم تستفسرين يمكن من جد الجوال مو له ما في شي بيأكد ويمكن يكون لواحد من أخوانه أو قرايبه وهو مأمنه ما يقول لأحد
الصفحة الأخيرة
وربي حاسه فيك
حسبنا الله ونعم الوكيل على هالخونه
الله ينصرنا عليهم وعلى بنات الحرام
أختي ألجأي لله و أكثري من الدعاء
و أدعيله ربي يهديه ويصلحه
http://forum.hawaaworld.com/showthread.php?t=2374744