كنت الصوماليه وياريت ارجع نحيفه &لكل وحده نحيفه تبي المتن &

السلام عليكم
ادخل بالموضوع
أنا كنت مره مره مره نحيفه لدرجه ان نحفي مره تحت الوزن المطلوب والله ما كنت قلقه بالعكس كل اللبس الي ابيه القاه وكل الموديلات البسهن ما شاء الله بس زمان زمان هذا الكلام

طيب تزوجت زوجي انزعج من نحفي قال لا لازم تسمني هو يحب السمنه ما يحب النحف الشديد

طيب سمنت وتوهقت والله كرش أني انحرج منه كل من قال حامل اقول إيه بالشهر الخامس صارلي 6 سنين وانا بالخامس خخخخخخ

المهم حتي فشلت الرجيمات فشلت وألهمه راحت مالي حيل علي للرياضه

طيب يا اخت حنان ادخلي بالموضوع المهم كيف سمنتي قر قر واجد :o

طولتها وهي قصير :p الفطور صرت افطر وبعد الفطور حلا وبعد الحلا غداء دسم والحليب واللبن كامل الدسم

العصر حلا وقهوه و بعدها مكسرااااات الفستق الحلبي والمكسرات والشاي المحلي مره ممره مفيد للتسمين

طيب والعشاء دسم من الوجبات السريعه

نسيت الغدا بعدها نامي علي طول.

المجهود قللي المجهود قد ما تقدري يعني الشغل ليه لان تحرق سعرات حراريه


المهم أنا ندمانه لأني سمنت والله وشي غصب عني عند اهلي ما كنت اكل كثير لأني كنت حره اكل الي يعجبني ومتي ما ابي ما عندي احد مرتبطه فيه بالاكل

بس بيت الزوج لازم تقابلينه وهو يأكل وتشاركينه والمشكله ان كان الزوج دبه مثل زوجي وجباتً دسمه بالثلاث وجبات والله تعبت الحين صرت أقلل الاكل من سنتين والله الوزن زي ما هو لان خلاص الشحم ثبت يا حسافه

والله اعرف بنات وااااااجد شديدات النحف صديقاتي وسكنوا من بعد الزواج والسبب عادات الزوج

لا ونسيت اقول طبعا عند اهلي ما اطبخ ولا اعمل حلا ولا صواني ولا معجنات لكن عند الزوج تحب للوحده تتعلم وتدهر وتزين له ما لذ وطاب وهذا سبب :eek:


الحمد لله علي نعمة الصحه والسلام ختام

ودمتم سالمين