كنت بروح في غيبوبة بسبب حافز

بنات انا من يوم نزل حافز وانا في مشاكل امي تبغى الفلوس وابوي يبغاها واخواني يبغونا
انا بنت متخرجة من الكلية ولله الحمد وماعندي لا وظيفة الا حافز بس والمكافئة كانوا ياخذوها بس الصرافة عندي وحافز ياخذوه مني والصرافة كل يوم مع واحد
وانا في حياتي والله ماقد اشتريت شي يعني اللبس اكرره يمكن عشر مرات وفي الكلية احيانا صديقاتي يعطوني ملابس واحيانا ملابس عندي من يوم وانا في الابتدائي بس تجي مقاسي مو صغيرة ترى ورب الكعبة مااكذب تراني صايمة
وانا كنت اشتغل في البيت شغل مو صاحي انظف السيراميك حتى ملابس اخواني كلهم انا اغسلها يعني البيت من المدخل للحمام وانتوا بكرامة نظيف ويلمع المهم في الموضوع من بعد هذا الشغل حصل انو يدي وجعتني من عند المفاصل عند الكتف لما رحت سويت اشعة قالوا عندك تمطط شديد في الاربطة ذحين لي 9 شهور مااشتغل ولاالمس شي بس اغسل ملابسي وابوي يعرف هذا الموضوع ومرة معصب لاني مااشتغل بس مااقدر
ذحين نرجع لحافز نزلي اول شهرين وقال ابوي لاخوي اسحبها كلها ولاتبقي لها ريال (يقصدني )وسحبوها كلها واشتروا ب4 الاف ريال اغراض رمضان وكان زواج عمي وكلهم اشتروا فيها امي واختي اشتروا فساتين وعطور ومكياج حتى اخواني اشتروا ثياب جديدة الا انا والله العظيم مااشتريت شي حتى فستان ماشتريت المهم عندي ذحين 4 الاف وامس ابوي يقول لاخوي اسحبها كلها بعدين ابوي قالي انتي ماتشتغلي في البيت وبس تاكلين على حسابي وانا والله العظيم ماقد اكلت معاهم حتى بقايا الاكل امي تغلفها وتخبيها عندها بالغرفة تقولي ماتاكلين الا لحد ماتشتغلين وتنظفين حتى سحور مااتسحر والله معجزة اني عايشة لحد الان المهم قلتلهم فين الاربعة الاف اللي اخذتوها مني كان عالجت يدي فيها قالوا روحي المستشفى الحكومي مو لازم بفلوس تتعالجي.
المهم اخذت الصرافة من عند اخوي وقصيتها اجزاء صغيرة وراح اخوي قال لابوي وضربني ضرب والله رحت في عالم ثاني حسيت اني بغيبوبة وداس على وجهي وانا على الارض تفل بوجهي انا هذي الحركة تنرفزت منها ومسك شعري ويشده بقوة بشكل موطبيعي والله العظيم انو نص شعري راح واللي خلقني يمكن قعد ربع ساعة ماسك شعري ويشده بقوة ومسك راسي ويصكعه بالجدار بقوة والله العظيم يمكن عشر ضربات وهو يقولي بكرا تطلعي بدل فاقد سامعة ولا لأ؟؟؟ وهوا يبغى يسمع الرد ان امو قادرة ارد من قوة الضرب والبكا وهوا على باله انى ماابغى ارد ولأني ماارد يصكع براسي في الجدار وانا ذحين وجهي منفخ وراسي مصدع والفروة توجعني وبعد شوي باخذ بدل فاقد من البنك وافكر اسحبها واشتري بلاك بيري ماعندي جوال ولاعايشة صح زي البنات لاملابس ولا اكل وقاعدين ياكلون بفلوسي ويخبون علي الاكل .
وابوي لما كنت في الابتدائي كان مسجلني في مدرسة اهليه ولحد الان يفكرني بالفلوس اللي صرفها علي ويقول انا خسرت فيك 40000 ريال في مدرستك طيب ليش ماسجلني في الحكومية انا ماعرف الجواب ؟؟؟
بنات قولوا لي ابوي معاه حق يصرف فيها زي مايبغى وابوي بخيل واذا طلبته فلوس يقول ماعندي واختي اشترالها جوال بعد بكا ومرمطة وهواش وفوق هذا كله بدون شريحة شوفوا بالله كيف ؟؟؟ واذا قلتله حافز من الملك يضربني ضرب موصاحي يقولي الملك ايش اعطاك بس حافز انا صرفت عليك وقاعد يقولي اصرفي على نفسك من فلوس الضمان وانا مو مسجلة في الضمان ولا اعتقد يقبلوني
انا الان ابغى اعرف يعني الان الفلوس حقت حافز اصرفها علي زي المهر ومايجوز اي احد يلمسها الا باذني
ولا لازم اعطيه من باب (انت ومالك لابيك )
ولاأعطيهم من باب (خيركم خيركم لأهله)
وانا احتاج الفلوس مرة ابغى انبسط فيها بس واشتري بلاك بيري واتواصل مع صحباتي واتعالج واسوي اللي في بالي وابوي مبسوط كل شهر يجيه 8000 بس بخيل
بس ابغى اعرف هي من حقي الفلوس وعلى فكرة اهلي مايرضون ياخذون نص المبلغ وانا لازم كله ياخذونه مافيه تفاهم بيننا
استنى ردودكم وبدون تجريح ومشكورين