كنت بسافر وانبسط شوفو اهل زوجي وش سوووا

صباح الخيرات حبيباتي كيفكم كلكم
حبيباتي عندي مشكله توها طازه وفاقعه مرارتي ونكدت علي كثير واتمنى من كل وحده تقرا مشكلتي تحط نفسها مكاني وتقولي بهالموقف وشلون بتتصرف اعتبروني اخت لكم وانصحوني بكلمة حق عشان مااحس بذنب نتيجة الي حسوييه اكيد بتقولون انتي فكري وطلعي نفسك انا الحين متوتره واعصابي ناااااااااااااااااااااار واخاف اتصرف اي تصرف اندم عليه واتحسف بعدين واحب اخذ نصايح من الي لهم تجارب اكثر بالحياه و****لله الا تقولونه انفذه
ياطويلات العمر الي صاار انو انا وزجي اتفقنا انو اجازة اليوم الوطني رح نسافر فيها عشان ودي اغير جو مررررره مليت من اشياء كثيره وودي بسفره اجدد فيها نشاطي وارجع احسن من اول بشغلات كثيره وزجي هو الي اقترح السفره وانا فرحت مررررره صحيح ثلاث ايام الخميس والجمعه والسبت الحمدلله حلوه اهم شي نشم هواء وننبسط هاذ الشي الي ابغاه حتى زوجي تعب من دوامه وده يغير جو الى هنا كل شي تمام حتى ماساله متى اجهز الشنطه ومتى نسافر لاني اخاف انصدم ويقولي كنسلت او يطرى ظرف وقتها فكنت ساكته الي يجي الخميس واجهز كل شي ونسافر حتى شغلات كثيره بالبيت كنت بسويها واروق عليها اجلتها بعد السفر عشان اكيد برجع من السفر وانا كلي نشااااااط وعزومة حريم اجلتها بعد السفر عشان اروق لهم لكن احلامي كلها تلاشت بالهواء وكل الي خططت له في السفر وبعد السفر انتهى والسبب اهل زوجي يبون يغيرون جو ويزورون اقاربهم وبيروحون معنا انا هنا انجنيت يوم قالي زوجي ويقولي وهو عااااادي جدا كانه ماوعدني اننو ننبسط وتكون احلا ثلاث ايام نعيشها لانو بصراحه زوجي كل شي يطلبوه اهله ابشر ابشر ابشر طيب ابشر عالعين والراس بس مو على حسباب راحتي ووناستي لاتقولون انانيه وماحب اهله لا والله علاقتي فيهم عاديه بيننا احترام وموده وانبسط اذ يخدمهم بس احيانا يزودونها الحين ودي افهمهم انو ولدهم تزوج وصار له بيت وزوجه واطفال لازم يقدرون الخصوصيه في طلعاتنا وتماشينا صح ولا غلطانه؟؟
الحين زوجي كل مافتحت معاه الموضوع ابي اعرف هونو ولا لا يقولي مابغى مشاكل جهزي شنطتك وبنسافر كلنا انا قلتله ابشر بروح معاكم بس خلي ببالك رح اكون منكده وطفشانه ولو سالوك اهلك وش فيه اتمنى تقولهم الحقيقه وطبعا الاخ ساااااكت قهرني طبعا هم عارفين انو كنا بنروح نتمشى لحالنا ومن الذوق العالي عندهم ماقالو لا روحو اللله يوفقكم بنروح مره ثانيه الا اصرو عالروحه معانا طيب ليش هالحركه البايخه خلونا نتمشى لحالنا ننبسط ليش تبون تحرمونا من ابسط شي وهو السفر لحالنا الله يسامحكم ضيقتم خلقي طبعا اكره السفر معاهم لاسباب غير انو اغلب سفراتي انا وزجي يكونو معنا كذا لقافه وثقل دم وزجي الا اهله مايبغاهم يزعلو
الاسباب عند اخو زوجي ولدين بسن المراهقه يركبو معنا بالسياره وماخذ راحتي ابد ابد ابدا اكون طول السفر كاني مقيده وهالشي مو ملزومه فيه الله لايهينهم يركبون سياره ثانيه وبلا حشره لكن عمتي وعمي قمة البخل يتحاشرون بالسياره ولايدفعون ريال واحد وهالشي يكرهني بالسفر معاهم
الشي الثاني عندي بنوتتي حركتها كثيره بسم الله عليها ولها نظام معين وبالسياره اتعب كثير معاه فتخيلو السياره مليانه انا وزجي وابوه وامه واثنين من اخوانه وثلاث من البنات وش تتوقعون اعصابي حتكون مع شقاوة بنتي شي صعب اوصفه
والشي الثالث انا وزجي يوم نسافر لوحدنا السفره ماطول يدوب حق الطريق ومانوقف اما اهل زوجي يوقفون مليووووووووووووووووووووووووووووووووووون مررررررره اكل نوم بشقه عالطريق يمرون على اي سوق يوقوفون للحمامات يعني يالليل ماطولك هالشي غصبن عني يضايقني طبعا بتقولولي سفر لازم يوقف اوكيه عالعين والراس لو كانت السفره طويله بس اش تقولون هالشي يسير والسفره مدته خمس ساعات!!!!!!!!!!!!!!!!!
والشي الرابع انا بالسفر احب اخذ راحتي بالسياره يعني افك الغطا لانو السياره مظلله واتربع بالسياره ونمر ناخذ كوفي ونشغل شريط زفتي وادلع وارقص لزوجي طبعا هذا كله مممنوووووووووع مع اهل زوجي عشان كذا ودي ارجع ايام شهر العسل بالسفره هاذي وانبسط من حقي صح ولا غلطانه؟؟؟؟؟
سااااااااامحوني اذا طولت بالكتابه بس حبيت افضفض الي بخاطري من القهر والزعل
الحين بعد مافهمتو مشكلتي اشلون اتصرف معاهم اذا سافرت ابين اني زعلانه عشان يحسو ولا يعيدوها ولا ابين اني مبسوطه عشان زوجي ؟؟؟؟
بالله حطو نفسكم مكاني وقولولي اش اسوي ابي اوصلهم اني ارتاح بالسفر مع زوجي لحالنا من غير مايزعلو
سااامحوني مره ثانيه طولت عليكم :(