كنت بشتغل بالحضانه بس شوفو موقف زوجي معي

مدري كيف افاتحكم بالموضوع

بس انا راتب زوجي يبقى منه 4 الاف بس وحاليا معي حافز بس والله ماستفيد منه مرا يادوب كم غرض من السوق زوجي ياخذه عشان مصاريفنا كثيره وعندنا بنوته وايجار 
المهم عمتي معلمه وبمدرستهم المعلمات راح يقطون ويسوون حضانه ويبون موظفتين 
المهم اتفقنا انا ووحده من عماتي نتوظف بالحضانه 
طبعا الراتب اتوقع راح يكون 3الاف 
وعلمت زوجي ووافق مررررا بس انا من داخل نفسي مو موافقه احس اهانه امسك اطفال المعلمات وهم يابحصصهم ولا قاعدات سواليف وضحك كرامتي قبل كل شي 
وبنفس الوقت ودي نحسن وضعنا واشتري كل الي بخاطري

المهم بعد فترة 
جت عمتي وقالت زوجي ماوافق اشتغل بالحضانه ( بيني وبين نفسي قلت ماشاء الله عليه مارضى ع زوجته تتوظف مع انها مصرررره )

رحت قلت لزوجي شفت عمتي مارضى زوجها يخليها تتوظف بالحضانه 

قال حتى انا مو موافق تشتغلين بالحضانه ( والله حزت بخاطري ليش مارفض من اول ولابس يوم شاف زوج عمتي ماخلا زوجته )

والحين انا زعلانه عليه وهو طلع وودي اناقشه واقوله ليش توك ترفض ووووو واخاف اكون ظلمته وماعرف وش نيته

ع فكرة انا وزوجي نحب بعض بس والله من يوم تزوجت ماقصرت عليه بشي وقدرت ظروفه حتى ذهبي بعته 
وانا عارفه انه وده يتحسن وضعه ويعوضني بكل شي
واحيانا اقول والله الرجال مالهم امان يمكن يتحسن وضعه ويتغير تفكيره

انا حاليا تخرجت من الجامعه واتمنى يجي اليوم الي اشوف فيه نفسي معلمه
دعووووواتكم لي

الحين ياليت توضحون لي موقف زوجي معي ووش اسوي