الســــــــــــــــــلام عليـــــكم رحمــــة الله و بــــركـــــاتــــه
من سنتين
كنت بنت عادية جدا
بلبس زي كل البنات بسمع معازف
!!!
و كان رمضان خلاص قرب
حاجة جوايا قالتلي ماينفعش أسمع الحاجات دي في رمضان
و قررت فعلا ماسمعش الحاجات دي تاني في رمضان
الحمد لله
االمهم بقيت أتكسف من لبسي
حجاب أي كلام فعلا !!
فقلت انا هطول بلوزاتي شوية
عملت كدا طبعا بكرم ربنا
و في العشر الأواخر من رمضان
حصالي حادثة عربية
و ايدي اليمين اتكسرت
ساعتها كنت مستغربة جدا
يا رب انا بقرب منك
ليه ابتلى كدا
و طبعا دا كان جهل مني
في ليلة من ليالي العشر
انا ووالدتي كنا نازلين القيام نصلي
على باب العمارة
لقيت ماما بتقولي بصي في السما
بصيت
و الله الذي لا إله إلا هو و هتسئل عن هذا اليمين
لقيت زي كره من نور فوق الجامع
ماما قالتلي ادعي
دعينا كتير
و بصراحة كنت خايفة ساعتها
المهم بعد رمضان دا يمكن رجعت شوية عادية
بس كان في احساس مختلف جوايا
انا عارفة ان حياتي غلط
و لسة محتاجة تغيرات جذرية
آن نسيت أقول اني كنت على علاقة مع واحد زميلي في الجامعة
قررت اني أقطع علاقتي بيه
و كان ساعتها حاجة صعبة جدا جدا لأني كنت متعلقة بيه
و قطعت العلاقة فعلا
لا أنكر اني اتعذبت في الأول شوية
بس سبحان الله ربنا رزقني حبه
حسيت انا يا رب بقيت أحبك
فعلا
قررت ألبس عبايات
و لبستها بكرم ربنا عليا
حلمت بواحدة معروفة عندنا في الكلية انها بنت ملتزمة كويسة جدا لا أزكيها على الله
حلمت بيها انها واخداني بنك الطعام وصحابي القدام "أصدقاء السوء" قاعدين بعييييييييد بيضحكوا و لابسين ألوان كتيرة أوي
المهم مافاتش وقت بعد ما البنت دي عرفت اني لبست عبايات ربنا يكرمها جت فعلا و قالتلي تعالي نجيب حاجات مع بعض و قد كان بقينا صحاب جدا الحمد لله
ربنا يديم اللي بيني و ما بينها في الله خدت بإيدي كتير
فاتت سنة و ربنا رزقني لبس النقاب
الحمد لله
و أكتر حاجة جميلة حصالتلي السنة دي
ان اتقدملي شاب عادي و رفضته و والدتي كانت ضاغطة عليا
بس أصريت لأني لازم أعيش مع حد متدين
حلمت بأجمل حلم في حياتي
حلمت اني ماسكة في ايدي زجاجة من ماء صاااااااااااااافي
و ربنا بيخاطبني و قالي انها مياة من أنهار تحت جنات عدن
الحلم دا أجمل حاجة حصلتلي في حياتي
الحمد لله ربنا كان معاي طووووووووول الوقت
حتى في الشدة
و ربنا بيكرمني من وقت لوقت ببشارات أحلام
حتى من صديقاتي بالجنة
يا رب اجعلني من أهل الجنة يا رب
انا بقول لكل بنت عمر ما التغيير صعب
اصدقي الله يصدقك
و مهما كنتي بتلبسي أو صاحبتي أو عملتي
انا كنت في القااااااااااااااااع
و الحمد لله ربنا ايداني فرصة تانية
فما تخافيش
اذا اتقربتي من ربنا خطوة هتلاقي حياتك كلها نور
ادعولي يا جماعة ربنا يثبتني و يرزقني حسن الخاتمة و جواره في الجنة
معلش طولت عليكم
جزاكم الله خيرا
و السلام عليكم
%%%%%%%%%%%
قصة أثرت في فنقلتها للأحباب
%%%%%%%%%%%%%
ثبت عن رسول الله عليه الصلاة والسلام أنه قال ((يقول الله عز وجل: من ذكرني في نفسه ذكرته في نفسي، ومن ذكرني في ملأ ذكرته في ملأ خير منه، ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة)).
ماأكرمك يالله وماأعظم فضلك وماأحلمك علينا نبارزك
بالمعاصي وتحلم علينا وأنت قادر علينا سبحانك
وتفرح بعودتنا إليك مع ان ذلك لاينفعك ولا يضرك
ماأرحمك يارحيمــ ،،أسألك يارحمان الدنيا والآخرة ورحيمهما
أن ترحمنا بتثبيتنا على الخير والحق حتى نلقاك
وأسألك أن تثبت أختي صاحبة القصة وتعينها على
مرضاتك اللهم آآآآآآآميييييين
ـ أم ريـــــم ـ @am_rym_36
عضوة مميزة
يلزم عليك تسجيل الدخول أولًا لكتابة تعليق.
وطن رحال :
ماشاء الله لاقوه الا بالله الله يثبتك ياقلبيماشاء الله لاقوه الا بالله الله يثبتك ياقلبي
الصفحة الأخيرة
الله يثبتك ياقلبي