كنت تعزيها وتعتبريها زي اختك وفجأه أكتشفتي انها تطعنك بالظهر ؟ّ

السلام عليكم ورحمة الله
خواتي هذا اول موضوع لي بهذا القسم وماأدري اذا مكرر ولا لا بس ياليت الكل يشارك
حتى ولو مو حابه تكتبي من مين انطعنتي بظهرك بس قولي اذا صار لك هذا الشي او لا
الموضوع مبين من عنوانه .. كان عندك صديقه او جاره او إنسانه كانت مقربه منك وكنتٍ تعتبريها زي اختك
وفي يوم من الآيام أكتشفتي وبالصــدفه < ركزو ع الصدفه " إنها تطعن فيك ومن وراك
انا بقولكم عن سالفتي انا صار لي هالموقف مع زوجة اخوي مع العلم وربي يشهد علي اني كنت احترمها ولاعمري صار بيننا شي او خلاف حتى ولو بسيط ابداً يابناات والله العظيم إني كنت احبها واقدرها بس من بعد الموقف اللي صار اخذت منها موقف وصرت حررريصه كثير في كلامي وتصرفي معاها < طولت ولا قلت لكم السالفه هههههه
الموقف هذا صار لي قبل لاأتزوج في يوماً من الايام < لغه عريبه
لا من جد مره رجعت من المدرسه ورحت انام على طول صحيت ع العصر المهم اول ماصحيت رحت للمطبخ بجيب لي شي اكله ورحت جلست بالصاله كل اللي باليت لسى ماصحيو وانا جالسه بالصاله إلا واسمع هذي جالسه تكلم بالتلفون وتقول (( تبغي الصراحه ترى هي مدلعه مرررره ولاتعرف تسوي شي ومن هذا الكلام اللي يغث)) طبعاً الكلام هذا كان كلووه عني وكانت قاعده تقوله لآخت زوجي" طبعا وقتها ماكان زوجي خخخخخخخخخخخخ كان خطيبي فترة الخطبه يعني انقهرررررت يابنات وربي حتى اللقمه اللي كنت اكلها احسها وقفت بحلقي وبكيييييييت مو علشان شي او انها بتخرب خطبتي لااا بس اللي قهرني ليش تتكلم عني كذا وانا معاها زي السمن ع العسل ولا عمرها شافت مني شي مو كويس كنت معتبرتها زي اختي والله العظيم المهم فهمت من كلامها بعدين انو اخته ( اخت زوجي ) قالت لها انها ماراح تبقى زي كذا اكيد بتتغير لإنها هي ردت عليها وقالت ايوه ايوه صح اكيد تتغير وعلى فكره يابنات اللي كانت تكلمها زوجة اخوي هي اللي خطبتني لآخوها يعني عن طريقها تمت الخطبه يعني هم مو من جماعتنا ولانعرفهم بس هي كانت جارتنا وتزورنا دايم " بعدها جتني امي وشافتني ابكي وعلمتها ع السالفه وقالت لي ماعليك منها ولاتفكري أخسُريها ولاتفكري بكلامها وحاولت اني انسى اللي صار واكمل معاها عاااادي بس مع اخذ الحيطه والحذر
المهم يابنات الحمدلله الحين صار لي من تزوجت 10 سنوااااات ومبسووطه مع زوجي واهله ناس طيبيييييييين الله يخليهم ولايحرمني منهم يارب بس موقف زوجة اخوي اموووووت ولا انساه وفي مواقف صارت لي منها بعد ماتزوجت بس اللي ذكرته يكفي < علشان تتشجعو وتقولو مواقفكم ههههههههه
ايه صح نسيت اقولكم لاحد يفكر انوصدق ماعرف اسوي شي او مدلعه ولا احد يعتمد علي بشي ترا هذاك اول يوم كنت عند امي وبما اني كنت آخر العنقود اكيد بتدلعني ست الحبايب الله يحفظها بالعكس يابنات والله اني ست بيت سنعه خخخخخخخ وبشهادة الكل والحمد لله :42:
يلا اترككم برعاية الله