كنت حامل وللحين ما صرت أم ((اريد حل ))

مرحبا
ما ادري من وين ابدأ ولكن بقول الي عندي بس ارجوكم ياجماعه ردوا علي لا تخلوني اكثر من جدي حزينه

(( كنت حامل وانا مصابه بالفقر الدم المنجلي بس الحمل كان عندي اوكي....! وطول فتره الحمل دمي تمام وابدا ما تألمت ومره في نهايه الاشهر كان لي الشهر الثامن رحت عرس ولد اخوي وكنت كاشخه والكل كان يقول لي صغيره وحامل والحمل حلو علي واني بطني صاير على جسمي الضعيف عجيب وكنت طول الحفله فرحانه.....!!!
وبس رجعت البيت وصارت الساعه تقريبا 3 الصبح ولا وجع في كل جسمي وكأني بموت وجا الاسعاف وخداني ورحت المستشفى فكرو فيني والولاده ولكن لا .... حطوني في غرفه الولاده وبعدين طلع ما فيني شي وكنت كل ما يروح مفعول الابر اللي يعطوني اياها كنت اتألم مره ثانيه واموت من الاوجاع بعدين قالت لي الدكتوره ادا راحت الاوجاع بتسوي لي طلق صناعي والحمد لله راحت الاوجاع بعد اسبوع .....
ولكن الدكتوره رخصتني من المستشفى وما سوت لي طلق صناعي على اساس ان باقي وقت واجد عن موعد ولادتي.....
ويوم ثاني جاتني اوجاع وكأني اولد وصبرت وفيي الليل قالت امي لا لا لا لا هدا وجع ولاده وودوني المستشفى وطلع عندي طلق ومفتوحه 1 سم... وقاسو دقات قلب الطفل ما لقوه ودوني غرفه الولاده وإلا الطفل مات في بطني من قبل 8 ساعات من رحت المستشفى .....
وولدت طبيعي وكانت بنتي فلقه قمر طالعه على ايوها ما فيها اي تشوه خلقي لا ووزنها كان احسن من التمام 3,5 وكل شي طبيعي قالو لي ان الله كانت وصبرت
والحين من ولدت صار لي 10 اشهر وانا ودي احمل ولكن للحين ما حصل حمل
وانا نفسيتي تعبانه وودي احمل !!!!!!!!!!!!) :
ورحت ألى الدكتوره وسوت لي فحص وقالت لي أن رحمي طبيعي وكبير وان عندي بويضات وقالت بعطيش ابره وان شاء الله بتحملين
ومن ضربتني الايره للحين 3 اشهر وما حملت
وانا ودي احمل في احد عنده حل والله يقدر يقول لي شي يواسيني فيه
وسوري لاني واجد تكلمت واوجعت راسكم
ولكن من لي غيركم اشكي له
وشكرا