كنت عقيم و لقيت الحل عند عجوز

تأخرت بعد الزواج بفتره مو طويله بس ما حملت وقررت اروح للطبيبه اتطمن على وضعي
رحت انا و زوجي اكثر من مستشفى كلهم نفس النتيجه
قالوا عندي تكيس على المبايض و عندي التبيوض ضعيف و حجم البويضات صغير جدا لا يمكن يتلقح
ما اذكر كم سم كان حجم البويضات و قالوا عندي بعد هرمون الحليب مرتفع و زوجي عنده الحيوانات قليله وكانت وحده من الطبيبات تقول اني شبه عقيم
المهم بدأت رحلة العلاج و بدون نتيجه و صارت علاقتي مع زوجي متوتره و كلها خلافات
وفي احد السنوات راح اصلي صلاة عيد الاضحى بجامع قريب من البيت ، دخلت قبل الصلاة بوقت
جلس في احد الامكان ثم جاتني حرمه كبيره في السن و قالت لو سمحتي انتبهي للبنت بروح دورة المياه قلت طيب ، راحت و رجعت تشكرني و جلست بجنبي ، كنت مسغربه من طريقة تعاملها مع البنت كانت طول الوقت تبوسها و تدلعها و تعطيها من حلاوة العيد وانا اناظرهم و مبتسمه توقتها حفيدتها
بعيد التفت علي وقالت عندك اطفال ؟ قلت لا و قلت لها اني أخذ ادويه
قالت انا جلست اكثر من 13 سنه بدون حمل ثم قالت لي قصتها ، قصتها في البحث طويله راحت لكل الأطباء الجيدين برا السعودية و داخلها
تقول وبعد 13 سنه كنت في مراجعه عند طبيب شاطر في الرياض
قال لها الدكتور يا خاله ارحمي نفسك انتي حرمه عقيم مستحيل تنجبين واحنا نأخذ فلوسك على الفاضي ، قالها خلاص لا تجين انت مالك علاج
قالت لما سمعت كلام الطبيب انهرت وجلست ابكي عنده في العياده وقلت له اذا قفلت بابك باب الله مفتوح
قالت لي رجعت البيت وصرت كل يوم اقرأ سورة البقرة قبل النوم و ادعي ربي لا تذرني فردا وانت خير الوارثين
تقول و الله العظيم جلست على الرقيه ثلاث شهور فقط و حملت بعد سنوات انتظار
ثم فتحت عبايتها و قالت شوفي بطني انا الحين حامل بالشهر الرابع و الحمد لله ، البنت اللي معها كان عمرها تقريبا خمس سنوات
بعد صلاة العيد سلمت عليها و طلعت ، طبقت اللي قالته و الله العظيم قريت على نفسي سورة البقرة و استخدمت عسل على الريق و كنت موقفه الأدوية
وبعد شهرين بس حملت وجبت بنت الحمد لله ثم جبت بنت ثانيه و الحمد لله
مع اني على كلام الطبيه عقيم !!
بس حبيت اقدم نصيحه للمتاخرت في الحمل توكلي
على الله و ابذلي كل الاسباب ، ما يمنع استخدام الأدوية مع الرقية الشرعية
الله يرزقني ويرزقكم الذرية الصالحة