كنت في جدة عالبحر ولقيت سحر!!!!

السلام عليكم يابنات 
اليوم بعد ما طلعنا من مكة عدينا على جدة وجلسنا  عالبحر قام ولدي بيتمشى وانا قمت معاه ومشينا جوا البحر وفجاءة ونحن بنجمع اصداف لفت نظري شي غريب اخدته وتفاجاءت من شكله لقيت قطعتين من البلاط مربوطين مع بعض وفوقهم تمثال حجمه قد الكف ملفوف بقماش وكانه مكفن وملصق ومربوط مع البلاطتين بحبل وفيه عقد كبييرة وكتيييرة وباين صارله فترة فالبحر ﻻن القماش مهتري شوي وعلى السحر طحالب 
المهم  انا جبته معاي للمدينة لاني ما اعرف احد في جدة وفكرت اني اسلمه لهيئة المدينة عشان يفكوه ويرتاح المسحووور ابغى اسالكم تصرفي صح وﻻ غلط ؟؟ ﻻن اهلي خوفوني وعارضوني وزوجي كمان بس ماقدرت يابنات اسيبه الله اعلم المسحور ايش حالته وايش بيتعذب ، تصرفي صح ؟ اسلمه للهيئة؟؟ او اي وحدة تعرف تصرف تاني تساعدني 
(كنت ابغى احط صورة للسحر بس ترددت )
وجزاكم الله خير وحسبي الله ونعم الوكيييل في كل ساااحر