كنت متأملة إني حامل بس قد الله وما شاء فعل

مرحبا الغاليات،،

تصدقون إني ماكنت مخططه حق الحمل أبدا ولا أفكر فيه لين مايكمل ولدي الصغير سنتين.. لأني موظفه وعيالي متعبين شوي الله يحفظهم..

أنا أستخدم العزل الطبيعي بس صار خطأ هالشهر.. وقبل موعد الدورة بأسبوعين وأنا أحس بلوعه ودوخه مب طبيعيه عمري ماحسيت فيها وصداع يومي بالذات يوم أنش من الرقاد.. غير شهيتي للأكل اللي انسدت مره وحده.. وأنا والله ماكنت أفكر بالحمل وهذا مب أول حمل لي عشان ما أقدر أفرق بين أعراض الحمل وأعراض الدورة..

كل أعراض الحمل فيني وأكتبلكم وأنا دايخه.. الدوخه ذبحتني.. توني يايه من العياده.. كنت سايره أسوي تحليل حمل وأنا هناك نزل علي دم وموعد الدوره ورا باجر.. تتخيلون شو كان شعوري؟؟ مستانسه؟؟ بتصدقون إذا قلتلكم إني مب مستانسه إني مب حامل.. مع إني ماكنت أفكر في الحمل أساسا..

بس كل الأعراض اللي حسيت فيها خلتني اتأكد مليون بالميه إني حامل.. وحطيت هالشي في بالي.. وتخيلت القصه بالكامل.. وأقلمت نفسي مع الموضوع وكنت طول الوقت أدعي إن الله يرزقين توم بنات.. وقلت حق ريلي عن احساسي وأكدت له إني حامل

عشت كل هالأحاسيس وفرحت إني حامل مع إن شي ماكان مخطط له ولا كنا نفكر فيه.. المفروض أفرح لأن وضعي شوي صعب ويا عيالي بسبب شغلي وصغر سنهم.. بس والله إني زعلت.. وتصدقون لين الحين متأمله إنها ماتكون دوره وإني صدق أبا أحمل.. الحمدلله على كل حال.. اللهم لا اعتراض

مالي غيركم أفضفض لكم.. دعواتكم خواتي بأن الله يكتب لي اللي فيه الخير

تتوقعون ممكن يكون حمل... والله الدوخه واللوعه بهدلوني