السلام عليكم

اختي ليش متعقده من اللغه ؟ صدقيني اذا ما تخلصتي من عقدتك عمرك ما راح تتعلمين !

الحل بإيدك انتي لوحدك لا تتوقعين ان في معجزه بتخليك فجأه تحبين اللغه .. في طرق دروس مجانيه صوت و صوره في النت

بس السؤال انتي تقدرين تلتزمين بها الدروس ؟ الجواب اكيد نعم اذا كان عندك الرغبه و الاصرار و انتي ما كتبتي الموضوع الا لان عندك رغبه قويه

استغلي حماسك الحين قبل لا يروح وشوفي موقعين تمشين عليهم و بما انك مبتدئه في موقع عيال اختي دايم يدخلونه يعلم بالصوت و الصوت

و الموقع مرره كيوت وفيه اشعار بسيطه بالانجليزي http://www.starfall.com/

وفي موقع يعلم بفلوس بس انا ما جربته بس لقيته في النت و الكل يمدحه اسمه انجلش تاون

هذا اربطه http://www.englishtown.com/online/home.aspx

احلى ما في هذا الموقع انه المدرسين فيه اجانب و تقدرين تدخلين الحصه في اي وقت و فيه 12 درس محادثه في الشهر

يعني تتكلمين مع المدرس او المدرسه و حصة المحادثه عدد الطلاب فيها ما يتعدى ال8 .. طبعا كل هالمعلومات من النت

انا فكرت فيه بس المشكله بيتنا ازعاااااج و هو يبي له روقان

و بقول لك نصيحه اذا دخلتي موقع و سمعتي الدرس حاولي دائما ترددين وراهم و تقلدين اللكنه .. انا هاذي الطريقه فادتني

و اهم شي الصبررر لا تستعجلين .. انا قبل سنتين او سنه و نص كنت متحمسه للانجليزي اكثر من الحين و الله يمكن في خلال اربع شهور

لغتي تحسنت من مستوى مبتدئ (beginner) إلى متوسط (intermediate) او تحت المتوسط (intermediate law)

ماني عارفه مستواي بالضبط لانه يتغير حسب الموقع لان بعضها يكون صعب علي بس المهم اللي ابي اوصله تعبك ما يروح اذا سويتي اللي عليك

بس من ذيك السنه الى الآن ما تحسن مستواي اكثر لاني ما صرت امارس اللغه و حماسي قل عن اول

و توني الحين بديت ارجع بس ما اذكر اني في يوم كنت متحمسه مثل ذيك السنه

سوري اذا طولت عليك و ياااااارب يسهل عليك و علينا و على كل الحوائيات