السلام عليكم....صلوا على الحبيب عليه الصلاة والسلام
مالكم بالطويله بدخل بالسالفه على طوووول
قبل فتره عشت موقف ررررعب واللحين عرفت السررر من وحده من الاقارب وانصدمت
كنت مرافق مع امي بالمستشفى العام والده قيصريه وكان عندها نزيف وفقر دم حاد فقالوا مافي خروج واللي معانا بالغرفه وحده نفس حالة امي ووحده ثانيه بعد تعبانه وكان في ولادات كثير قالوا نحتاج لسراير انتم تطلعون لدور الثالث
طلعنا فوق وانصدمنا مره تخيلوا مكان مهجور كانه قبر والمبنى قديم اشوف قسم الاستقبال مافي احد ابد وفي وراه باب مسكر وفي سيب طويل مرررره ومليان غرف والغرف كبيره ومليانه سراير وكل شي ظلام الغرف فاضيه ومظلمه السيب في نور بسيط مره مكان موحش غصب تخافين حتى مافي ممرضات وواضح مهجور والمصيبه حطوا امي لحالها بغرفه والثانيات التعبانات كل وحده بغرفه مااجمعونا كلنا بغرفه وحده وهالشي زاد خوفنا دخلنا انا وامي اول غرفه قدام الاستقبال نمنا بالليل مو ذاك النوم خايفين ونسمع طق باب الساعه 3بالليل صحيت وفتحت النور وطق الباب يزيد مو بابنا لا باب خارجي خفنا مره وطق الباب مستمر اخر شي قالت امي سمي بالله وافتحي الباب فتحت الباب بشويش بشوف الصوت من وين جاي صار الصوت يطلع من الباب اللي وراء الاستقبال اطلعت المرافق من الغرفه الثانيه قالت خلينا نروح نسئل مين وراء الباب رحت وقلبي يرجف قلت مين ؟؟؟كان طق الباب مستمر بس اذا تكلمت وقف الطق كأن احد يتسمع لكلامي واقول مين تبغين مساعده مااحد يرد واذا اسكت رجع طق الباب مثل اول وعلى صلاة الفجر جت وحده من الممرضات فرحت كثير يوم شفته ابي احس المكان مو مهجور وانا اشوفها من بعيد والباب لايزال يطق جت الممرضه طلعت مفتاح من الدرج وافتحت الباب وهي تقول ايش ابغى الصدمه يوم افتحت الباب وشوف ذاك المنظرررر:o:o:o تخيلوا بنت وجهه مشوه عليها لبس المستشفى ومعاها طررررحه شكله غريب وشكلها مو طبيعيه قالت له الممرضه ايش ابغى قالت تلفون اسحبت له التلفون وعطتها قالت كم رقم اهلك وتجلس تضغط ارقام بطريقه عشوائيه وتمسك السماعه وتتكلم كلام غير مفهوم والمكان اللي هي فيه كأنه مستودع ضيق مره والمستشفى قافلين الباب عليها واشوف الممرضه اخذت التلفون تقول لها انتي كل يوم كذا تبغين تلفون وانتي ماتعرفين رقم وتقفل على البنت مره ثانيه لاتسئلون عن شعوري احس الارض ماتشيلني سئلت الممرضه عنها قالت هذي لها شهر عندنا بالمستشفى جلسها شخص وراح يقول بطنها يعورها وكشفنا عليها مافيها شي خليناها بس اكتشفنا انها مو طبيعيه صارت تدور على الغرف وتدخل على المرضى والناس تضايقوا منها علشان كذا قفلنا عليها بغرفه ننتظر احد يسئل عنها ونسئلها عن اهلها وماتعرف تكلم لوتشوفون شكلها ماتصدقون انها بعمر الزهور البنت معرضه لعنف وضرب وجهها مره مشوه وخاصه خشمها سبحان الله باين عليها ونحيييييفه مره وشعرها مبهذل وحالتها حاله من نظراتها تقطع القلب بس ماندري وش السالفه حتى المستشفى مايدرون؟؟؟؟؟
طلعنا وراحت الايام بعد فتره جت خالتي تسولف علينا تقول جيران اهل زوجي اخذوا وحده مسكينه من المستشفى مسكر عليها وطلعت من نفس عائلتهم بس مابينهم قرابه بس يشيلون نفس العائله تقول ويعرفون ابو البنت قلت جيبيلي سالفتها
قالت هذي بنت امها ماتت من زمان ولها اخت يعني بالبيت بس الاب والبنتين تقول ابوهم مدمن مخدرات وكان يدخل البيت وهو منتهي سكران ويضرب بالبنات من يوم كانن صغار وهن عايشات على الرعب الجيران يسمعون صراخ بس خايفين يتدخلون استمر الوضع تعذيب البنات وليله من اليالي وحدم من البنات هربت من البيت اختفت مايدرون وينها الى هاليوم والاب اساسا مو ذاك الصاحي صارت هالبنت الحالها بالبيت زوجها ابوها صديقه مدمن مخدرات مثله وعاشت نفس الرعب عند الزوج احملت وجابت توئم سبحان الله بعدين طلقها واخذ عياله وارجعت لبيت ابوها تخيلوا لا امها ولا اختها ومحرومه من عيالها والحالها بالبيت يدخل ابوها يضربها ويطلع وبالاخير صارت البنت مشوهه وصار عندها حالات نفسيه شديده وصلت للجنون الله يشفيها:icon33: خطفها واحد من الجيران وجلسها بالمستشفى وراح يقول هذا اللي قدرت عليه
والحمدلله ربي سخر لها جيران اهل زوج خالتي واخذوها يبون الاجر والاب لحاله بالبيت الله يهديه تسبب على بناته اللي هربت ومايدرى عن مصيرها وهالبنت اللي شفت واضح انها ابد مو طبيعيه مع ان امها جابتها طبيعيه
يارب تسخر لها الناس اللي هي عندهم وترد لها عيالها وتحمي شبابنا من المخدرات سبحان الله اول مره ادري ان المخدرات تسوي كذا الله يحمينا من كل شر
الغزال الريم @alghzal_alrym
محررة برونزية
كنت مرافق بالمستشفى وانفجعت تعالوا شوفوا من يطق الباب اخر الليل ؟ادخلوا بتنصدمون مثلي
414
38K
يلزم عليك تسجيل الدخول أولًا لكتابة تعليق.
ام محمد الغرابي
•
لاحولا ولاقوه الا بالله
لا اله الا الله
والله الدنيا هذة كلها مصايب وبلاوي
الله يرحمنا بس ما اقول غيير الله يستر عليها ويهيئ لها اهل الخير
والله الدنيا هذة كلها مصايب وبلاوي
الله يرحمنا بس ما اقول غيير الله يستر عليها ويهيئ لها اهل الخير
"الحمد لله الذي عافاني مما ابتلى به كثيراً ممن خلق، وفضلني تفضيلاً".
قصه مولمه
لاحول ولاقوه الا بالله
قصه مولمه
لاحول ولاقوه الا بالله
الصفحة الأخيرة