كنت مراهقه وتغيرت بس للاسف

السلام عليكم

بدون مقدمات

تزوجت وانا مراهقه عمري ١٥ سنه فجاه شفت نفسي مسؤله عن زوجي واهله لان وقتها خواته صغار في البدايه ماعرف اتصرف اقل موقف ابكي خاصة حملت بعد الزواج بشهرين ...

نفسي نسيتها تماماااا من بين الحمل والولاده والتربيه واهل زوجي كنت مراهقه اتكلم باللي يصير بيت اهل زوجي لخواتي وسويت اغلاط كثيره لاهل زوجي طبعا بدون قصد وصل للطلاق بس الله ستر والحمد الله

كبرت وكبر عقلي وتفكيري حسيت نفسي تافهه على تصرفاتي ايام المراهقه قرأت عن تطور النفس والشخصيه ..تغيرت معاملتي لاهل زوجي للافضل وهم بعد تغيرو معاي 😍.....تغيرت تمامااا والكل لاحظظ...ماجيييب طاررري اهل زوجي عند اهلي


لكن للاسف بعد ١٠ سنوات من الزواج و٥ سنوات من التغيير ...صارت لي مشاااكل مع زوجي واهله بسبب غلطاتي السابقه ...واثرت على حياة خوات زوجي 😢


اخت زوجي انخطبت من فتره ووافقت وفجأه ام الخاطب تقول لام زوجي سمعنا ان فلانه فيها كذا وكذا ...وهالكلام قالته مرت ولدكم قبل ٦ سنوات ووصل هالكلام لزوجي والمشكله اني ماذكر اني تكلمت عنها بهالطريقه 😓...بس زوجي يقولي انتي ذيك الفترا عادي تتكلمي ...واهل زوجي تغيرت نظرتهم لي وصار الوضع متازم بينا اخت زوجي زعلانه مني ...الحمد الله تمت الخطوبه وتملكو بس النفوس بعدها شايله علي 😔



انا كتبت هالكلام مو عشان الحلول بس انتبهووو ي بنات 😔 لاتتكلمو عن عيوب غيركم عند اي احددد مهما كان لان ممكن هالشي يقضي على حياته ويخرربها ويقطع نصيبه بعد حتى لو صغير 😢