كنت مرتاحة البال وجبت الهم لنفسي

السلام عليكم
ادري الاغلبيه بيهاجمني
لاكن بوضح حاجه انا ماجيت هنا
الا فعلا محتاجه لكم
بنات عمري نهايه العشرين
اكبر اخواتي خواتي كلهم بالثانوي وتحت
ماعندي اقارب ماعندي صديقات من بعد
ماتخرجت
الكل انشغل اللي توظفت واللي تزوجت
وانا ماغير سهر ونوم ونت
قبل سنه او اكثر طحت ببرنامج يسمى الباث
برنامج للاسف اقل شي اقول عنه حق تعارف
كانت تجيني اضافات ورسايل باليوم بالعشرات
لاكن سبحان الله من بين كلهم قلبي مع شخص
مادري من كثر ماجلس ع النت او من الفراغ
اللي كنت احس فيه لاني بكل صراحه متحسسه
من عمري شوي يعني اقسم بالله مو ناقصني شي
صح ماقولكم ملكة جمال لاكن عندي مقومات
اكثر من غيري من الاقارب والصديقات اللي تزوجو
انا يابنات بحياتي ماحد طق باب بيتنا
مع اني املك جسم حلو بشره مايله للبياض
ملامح صغيره
كل من شافني انصدم ان عمري ٢٧
والله على بالهم عمري ١٨ لان شكلي جدا صغير
واحيانا اقول ممكن هذا سبب الناس
على بالهم بزر
تعلق بهالشخص كان يكتب يرسل يعلق
حاول اكثر من مره يرسل خاص وتجاوبت معه
حبيته حبيته بكل مافيني
من سنه ونص الى اليوم نفس طبعه نفس حبه
ماتغير اي شي فيه لاكن
لما جلست افكر الى متى ؟
الى متى بجلس بالي مشغول بشخص
من الشاشه اخاف عليه واحبه وانتظره
ولا انام لما يرسلي واول ماصحى عيني ع الجوال
اشوف صحى او لا اقسم بالله لو زوجي
مانشغلت فيه هالكثر لما فكرت
وفكرت حصلت انا استاهل كل اللي يصير لي
صح كنت عايشه بفراغ
وطفش
لاكن احسن من هالعيشه هاذي بالف مره
اقلها
كنت انام واصحى ماحس فيه شخص ببالي
مافكر باحد
كل همي كان اشبع نوم
تصدقون يابنات احيانا نومي باليوم مايتعدى ٤
ساعات عشانه بس
تصدقون ماشوف اهلي صديقاتي قطعتهم
لان كل وقتي عيوني بالجوال وسوالف معاه
بقولكم ادري اني غلطانه
لاكن الشخص اللي حبيته اقولها لكم
مو حق حرام يعني اللي يتعرف يقابل
يبغى اشياء ماعليش وصخه
يبغى تصور جسمها يبغى يشوفها كل شوي
اللي معاي ابد ابد
مادري كيف اوصلكم
لاكن معتبرني كصديقه اعتقد!!
او ع كلامه انتي مرايتي اللي اقولك كل شي !!
لاكن عمره ماتطرق للحرام معي
عمره ماحاول يجبرني اسوي شي من اللي ذكرتها
انا يابنات اللي شاغلني هالشخص
الى متى؟
لو فيه شخص تقدم لي كيف باخذه
وهالشخص خلاص خلص مشاعري كلها
وتملكها ؟
لدرجه استغفر الله افكر
اقول لو تزوجت شخص مستحيل اتركه مستحيل
اقلها بين فتره وفتره اعرف اخباره