كنت مغتربه00والان نفسي ارجع للغربه

الحمدلله على السلامة يارب..

شوفي سبحان الله طبع الواحد يحن للشي اللي راح منه مهما كان متعب أو ممل..

أتذكر أيام المدرسة تعب ودراسة وبس نكره المدرسة وبس نقول أه متى تخلص ولما تخرجنا ييه قدأيش بكينا عليها..والجامعة الواحد سب فيها لين ماداخ..ولما تخرجنا ياعيني على الجامعة وذكريات المحاضرات والمشورة بين المباني وتعامل اللي يشتغلوا في عليشة الودود (هههه مرة)

يعني حتى الغربة على قد مساوئها الا ماراح نحن لأيام المعاناة وفي نفس الوقت خروجنا الحدائق على رجولنا والروحة والجية وايام الشتا الباردة والمطر والثلج والطلعات وووووو


والحمدلله والشكرلله على كل مرحلة والحمدلله الواحد بيطلع منها وهو بخير وفرحان ومبسوط..وان شاء الله الأيام اللي بين يدك الآن تحملك الفرح والسرور وتستقروا وتبدأ تعمروا بيت وتتهني بأهلك وحلاوة رمضان والأعياد فالسعودية..

:26:

بشاير

هوا كل الناس كدا بس الواحد يقول الحمدلله ويرضى بالواقع0000000000:01:

الله يكتب الخير فين مايكون00

والله يرجع كل مغتربه لبلادها سالمه يارب000000


والله مااتمنيت ارجع الى الحياة الى كنت عايشتها كانت رائعه00اما هنا رجعنا للروتيييين والملل00000واهل الزوج0000وكله000:11:

الحمدلله الف مره على كل حال

وشكرا اختي بشاير على الرد:21:

هلا والله وغلا بحبيبة أيمن مانسيناك يا الطيبة ومتذكرة قد ايش كنت فرحانه على الرجعة
الله يعين اجل تنصحينا ننطم ونسكت
ما أظن ياعزيزتي الاهل والوطن غالين غالييييييييييييييييييييييييييييييييين
حتى لو رجعت هنا بتشتاقين لهناك !!
مع اني أتذكر وحدة من زميلاتي كانت زيك وانا ابجي هنا تقولي تبادليني !!
نفسها ترجع سبحان الله

هههههههههههههههههه ايييييييييييوه هو صحيح لما ترجعي لوطن يرجع نظامنا الرائع والغير متعب أبدا لا للأعصاب ولا للجسم..وهو سلسلة الزيارات العائلية الغير منتهية ماشاء الله تبارك الله

اليوم عمك ولازم بكره عمك التاني لأنه لو درا انك رحتي لعمك وماجيتيلوا تصير فضيحة..وعلى دا الحال وغير في النص دي والدة ودي ناقلة بيت جديد ووحدة فجأة تكلمك ألو نبغا نزورك انا وكم وحدة في بيتك..ولازم مع كل دا ماتكوني مقصرة مع اهل زوجك وتسوي عدل بين زياراتك لأمك وبينهم والولد طفشان يبغا يتمشى وفي السعودية ياعيني فين يروحوا يا سوق يا يتنفخوا في مكدونلد..وزوجك يبغا يعزم أصحابه و و و

وقائمة الأفراح والليالي الملاح ونفس السؤال العقيم حقنا اللي ما يتغير في كل فرح..ألو تعرفي محل يبيع فساتين زواجات حلوة؟؟؟؟؟؟؟؟؟؟؟؟؟؟؟؟؟؟؟

ههههه والله نظام يهد البني آدم

معليش عيشي حياتك وأطلعي وهيصي ومن الخبر فلسعي على البحرين كل ويك اند واهربي من الروتين
:17:

~المعتصمة بالله~
ماشاء الله عليك متذكرتني:01:وكمان متذكره مواضيعي00يعني الحمدلله مانسيتوني000

وانا ووالله ابدا ماانسى افضالكم عليا:27:

اكيد مافي زي مكه والمدينه وماما وبابا 00000اااااه ياما بكيت عليهم في الغربه000

بس دحين الحمدلله اهون كتييير00الله يصبرنا:06:

------------------

**بشايـــــــر**

والله رحت البحرين مره واحده وغيرت جو00الحمدلله

بس وانتي الصادقه الله يصبرني على الروتين:30: