كنت مقطعه نفسي عالحمل....لكن هذا اللي حصل 😔😭

السلام عليكم ورحمة الله وبركاته
من زمان بهالمنتدى وهالقسم تحديداً
كنت من موضوع لموضوع ومن تجمع لتجمع
مثلي مثل اكثركم نسعى للحمل حتى الشهر الماضي
اخذت ابرة تفجير وتابعت تبويض وكنت ابكي عشان يتم الموضوع واحمل لما جا اليوم ال ١١ تقريبا. من الابره
اكتشفنا ان زوجي عنده المرض الخبيث ( سرطان)
وضاقت فيني الدنيا وزوجي دخل بصدمه نفسيه قويه
كل اللي صار فجأه من دون مقدمات
راح لمستشفى اكبر عشان يتأكد ويشوف وضعه بعد يوم كامل عندهم قال له الدكتور المرض جاي عندك باللثه كامله والأنف والحنجره وبوحده من الآذان الخبر مثل الصاعقه بالنسبه لي
بحالتك لازم كيماوي لانه بأماكن ماتنشال جراحي
صغرت الدنيا بعيني
أكبر همومي صار اتفه الامور عندي بعد اللي صار
بدل ماكنت انتظر الدوره تتأخر صرت ادعي تنزل بوقتها واقول يارب مافيه حمل ماهو وقته
سبحان مغير الأحوال من حال الى حال
محتاجه دعواتكم بظهر الغيب خواتي
الله يشفيه ويشفي مرضى المسلمين