كنت ميتة أبغى شغالة ,,,؟؟وجات الشغالة بعد طلوع الروح؟؟؟؟لكن للأسف حتطلع روحي منها ؟؟؟

السلام عليكم ورحمة الله وبركاته
حبيباتي
أحمد الله تعالى على كل نعمة
توظفت وأنا أم لأطفال وتعبت سنة كاملة معاناة بدون شغالة بيت أطفال زوج وظيفة التزامات أسرية
زوجي رافض مبدأ الشغالة وكنت مثله !!لكن رأيت أنه وضعي في سوء ثم حملت وزاد الهم والحمل وأصريت على طلب الشغالة بعد الإسخارة
وجءت وفرحت بها وعاملتها معاملة حلوة أتقيت الله فيها وأبتسم لها وأطمأنها وكل ما أشعر بشيء أنه المفروض أعمله لها ..أعمله ..
وكان ماشي حالها ..لكنها موذاك الشغل والترتيب والإهتمام والأمانه في الشغل ؟؟لكن قلت مع الأيام تتحسن
بعد ماخلصت 3 أشهر قامت تطلع بلاويها وهي أنها ترفض الشغل عند أمي ؟؟أنا أوديها الصباح مع طفلي واخذها الظهر واحيانا اخليها للعصر بس ولدي اخذه الظهر (والسبب أني أخليها هو أني لسه ماتعودت على الوضع الجديد ولمن أجيبها مايجيني نوم الظهر وأقعد قلقانه .وما أدري أيش تسوي من وراي خاصة وأننا في أهلي وأقاربي عانينا من قصص الشغالات )

بنت الناس صارت تشتغل عندها ببطء وكسل وشغلها موزين ووجهها مقلوب ولمن كلمتها كذا مرة صارحتني بالحقيقة وقالت حرام أشتغل في بيتين ؟؟
عصبت عليها ووضحت لها إ، أمي ماعندها شغل كثير
كله حمامين ومغسلتين وكنس للصالة والغرفة ومسح خفيف للمرايات وبيتها مرة مرة مرة صغير !!
لكنها ماأقتنعت ؟؟
كلمت شغالة أخويا بنت حلال تقولها كلمتها ورضت وبعد أسبوع رجعت لنفس الوضع ؟ترفض الشغل عند أمي ؟؟
أمي حرمة كبيرة وبيتها نظيف هي تشتغل بنفسها الله يعطيها العافية ويعفي عنها وعن كل مريض ؟ولو بيتها توسخ فهو من ولدي أو أولاد أخوي الي يجون لأمي عشان ولدي عندها ولمن يروح يروحون على طول ..
تخيلو والله أنها مرتاحة راحة مابعدها
أنا أنا م بدري الساعة 12 وأصحيها الفجر وتروح لأمي تنام للساعة 11ونصف تقريبا عشان أمي ماتصحى بدري وماتحبها تصحى قبلها وتشتغل بسرعة البرق شغل زي وجه ابليس ..وتروح الغرفة تنام
بعد الظهر وتتغدى وبعد العصر أجي أخذها يعني يمكن تنام 13 ساعة
هي المشكلة أ،ها راحت في بداية ماجبتها لأم زوجي ثلاث مرات وفي كل مرة تعمل لها شيء تعطيها فلوس ؟؟
شكلها تحسب إن كل شغل في غير بيتي تاخذ عليه فلوس

يوم العيد أخذتها عند بيت أخوي وطلبت منها تشتغل تمسح ,زوجت أخوي قالت شكرا ماعندي شغل أنا مسحت وكنست وكل شيء ؟؟لأنها شايفاها قالبه وجهها ماتبغى ؟؟لكني أصريت
مسحت بالبركة ووجهها متغير وبعدين
ثاني يوم رحنا وكانت زوجة أخوي تعبانه وطلبت مني أنها تكنس خليتها وخرجت أنا فاتصلت زوجة أخي وهي مرة زعلانة وقالت أنها تكنس بالخبط في المكنسة:angry: وأنها تمسح بمنشفة المطبخ الوسخة :mad: ولمن قالت لها شكرا لا تمسحي روحي للمدام نظرت فيها بحقد وصوتها عالي وقالت إني أنا طلبت منها تكنس وتمسح ..وهي شكلها هادية ومالها صوت لكن خسارة طلت مصيبة
أنا الحين كررت معي نفس الشيء ماهي راضية تشتغل عند أمي ::تقول حرام أشتغل في بيتين وهي ماتسوي غير شيء بسيط وطلبت من زوجي يكلمها وهو عمره ماكلمها لأن زميلتي قالت لي ربما تخاف من زوجك وفعلا كلمها وقالت طيب واليوم أمي أعطتها فلوس بعد ماقلت لها وجات مبسوطة
مع إن أمي تعطيها أحيانا وتعطيها ملابس وتعاملها معاملة حلوة ولكنها ترد على أمي وتتكلم كلام ماتدري أيش تقول ؟؟
أيش رأيكم أخلي أمي تعطيها فلوس وإلا أسفرها وإلا أوديها المكتب يكلمونها وإلا أخلي أخوي شخصيته قوية ماشاء الله عليه ومتعود على بلاوي الشغالات يهاوشها
ولاا أنقل كفالتها تصدقون أحيانا لمن تسوي في هالحركات أتعب ويتعب قلبي ويطلع ضغطي وأكره جنس الشغالات وأقول ليتني تحملت الشغل والتعب الجسمي ولا سببت لنفسي التعب النفسي حتى النوم يطير والكوابس تكثر وأروح الدوام وأنا متضايقة...
أنا زواري كثير ولازم بيتي يكون نظيف دايم واحب أ,لادي نظاف ومرتبين ..مع العلم

مع العلم أن أولادي أنا أخدمهم هي بس للبيت وأنا لأولادي ولزوجي وللطبخ والنفخ
عشان ما أ[غاهم يتعلقون بها وعشان هم أولادي أحبابي وعشان هم أمانة وأنا ملزمة بهم مو الشغالة ..يعني كافيتها شر أولادي كل شيء لهم أنا أ‘مله مع ذلك ماتقول الحمد لله وتشتغل عند أمي ,,يعني هذا مقابل هذا <<
والمشكلة إن ولادتي قريبة وأمي كبيرة في السن الله يحفظها لنا أدعو لها الله يسعدكم يابنات يشفيها من كل شر