كنت ناوية اعمل لحمة ضانى انهاردةوطلعت فرختى المتبلة من الفرزير

نسيت اطلع اللحمة من بالليل لانى ابتدى اسلقها وانا باحضر الفطار الساعة 6 ونصف لان جوزى وابنى بيجوا الساعة 12 للغداء واثناء السلق اروق الشقة على 9 اجهز الخضار واخر حاجة الرز الساعة11 دة عن اللحمة اما انهاردة فاعمل فراخ وانا مرتاحة والسبب انها متبلة وجاهزة فالروتين الاسبوعى لية بنجيب كمية من الفراخ من المول 3او4 فرخات بنضفهم كويس وارشهم باللح والليمون واسيبهم نصف ساعه واجهز 3او4 بصلات مبشورين ناعم ملح فلفل هيل واغسل الفراخ كويس منالملح واتبلة بالبصل واقسمة اكياس حسب عدد افراد الاسرة على فكرة الفراخ دىبستخدميها فى كل الحالاتمسلوقة بانية مشوية مقلية اى حاجة انتى عايزاها وبتكون ريحتها جميلة نية وبعد السواء وبترتاحى لو نسيت زى تطلعى لحمة من بالليل يفضل انك تنزليها من الفريزر من بالليل وحطيها تحت فى التلاجة اذا نسيت مش مهم يعنى انا دلوقتى الساعة 6 نزلت كيس فراخ مقطع دبابيس ووراك وحقليهم على طريقة البيك يا ريت تجربوا طريقتى وتقلوالى صدقونى حتبقوا مرتاحين جدا ولو واحدة حامل تجهز طيورها بالشكل دة للولادة جاهزة للاستخام للولادة بجد حتدعيللى جيران ما بيسلقوش الفراخ دلوقتى من غير تتبيل على فكرة انا الوحيدة اللى صعيدية فيهم