كنت ناويه اخذ ابرة الظهر والدكتوره صدمتني

بسم الله الرحمن الرحيم


انا الان حامل في نص الثامن واراجع في مستشفي الجدعاني بحي الصفا وكنت حاطه ببالي اخذ ابرة الظهر
ولما راجعت قلت للدكتوره ابغاها واكتبيها بملفي ردت رد سد نفسي
قالت
احنا نعطي ابرة الظهر بشرط ولادتك تكون في وقت الدوام يعني من8 الى1 ظهرا
ومن5 الي9 مساءً خارج هالوقتين مايعطوا يعني لوجيت نص الليل مافيه ابره لان دكاترة التخدير مايجو ويعتبروها شي ترفيهي مو مره ضروري يجو عشانه
انا تغير وجهي وقلت لها نعم ؟؟؟؟ ترفيهي؟؟؟ ولاده والا ملاهي
وشلت هم من وقتها
وعلي تغير المستشفي مااقدر اغيره هو اقرب شي لي ومراجعاتي عندهم فين اروح احوس الان علي مستشفي ثاني


ايش رأيكم في كلامها وهل فيه مستشفيات كذا مايعطوا الابره الا وقت الدوام؟؟؟؟