كنت واثقه ثقة عميا صما بكما-وذي النهايه؟ شكرا يازوجي المصون

السلام عليكم

زوجي يشتغل بمستشفى وماعندي مانع من ناحية شغله ولا قد ضربت حساب ابدا لشغله ولا ضايقني
اقولكم ماقد فكرت حتى ممكن انه يسوي غلط فيه؟
مع ان خالي الله يذكره بالخير قالي في فترة الملكه انتي عارفه طبيعة شغل زوجك؟بعدين لايصير
مشاحنات وكلام فاضي عشان شغله؟
ومشيت الامور طبيعي..كثير ازواجهم بمستشفيات وعايشين اسعد من السعاده..
مرة سنة وسبع شهور ع زواجنا والاخ غامرني بالامان والثقه والله العظيم ماشششكيت فيه
بحصوص عمله ولا ذرة شك حاطه يديني ورجليني بمويا بارده. يالله لذا الدرجة انا كنت عميا
لذا الدرجة ماشوف؟ولا الحب على قولهم اعمى؟
المهم؟
مرت السنة الاولى وانا باول سنة لي جامعة ومكروفة وحالتي حاله بس متجملة له ومتزينه
وماقصر عليه بشيء؟
تخصصت الان وزادة الدراسه ومشاكلها ووانشغالي فيها خصوصا اني بتخصص جدا صعب
تخيلو اني ماكنت امسك كتاب بالبيت وهو موجود عشان ماقول انشغلت عنه؟
تخيلو اني من ثققتي واهتمامي فيه اظافره انا اقلمها له؟رجلينه بعد كل مره يجي من الدوام بمويا
وملح وسكراب جل؟
وعشان انصفه هو جدا طيب وكريم ومايخلي شيء بنفسي الا ويجيبه ولا يحب يشوفني زعلانه او متضايقه او ابكي.. وعشان انصفه كمان هو جدا كان خاين.
السالفة ان امس كان كله نوم قمت اليوم الساعه11 مفزوعه احسب الوقت متاخر؟اضغط بجوالي طافي ابي اشوف الساعه بس؟
واقوم واشوف زوجي علطوليدخل الحمام بدون اي كلام ولا حتى صباح خير ولاااا شيء وهو توه
جاي من الدوام من ساعتين يمكن المهم و بسسسرعه وبشكل غبي يدخل الحمام ؟كانه مخبي شيء مايبيني اشوفه؟ واخذ شور..
طبعا انا مالقيت قدامي الا جواله عشان اشوف الساعه فيه..
وانتم عارفين نظام الايفون رسائل الواتس تكون ع الشاشه من برا؟
ضغطت وشفت الساعه وتطيح عيني على وحده؟؟؟؟؟؟؟
تدرون وش يبنات والله والله والله اني كذبت عيوني وقلت اكيد وحده من اخواته
رغم اني قاريه كلامها تقوله(اهلين دكتوري فلان بدلعه طبعا..انا نوني تعبانه حيل وطلعت من
الدوام ياحلو)
طبعا قفلت الجوال ومسكت كتابي احسني بحلم مستحيل واقوم واطالع مره ثانيه وهو مسجلها نونتي؟
طب اقل شيء سجلها باسم رجال مثلك مثل كل اشباه الرجال!
وامس من الساعه 8 وهو بالدوام تخيلوانكسر ظهري عشان اغير اتجاه الغرفه والمفرش ومجهزه له كيك يحبه وملابس النوم وطبعا؟وهو بالدوام عندها!!!! ويجي امسح رجلينه من المكان اللي يخوني فيه؟
وبديت افكر بتصرفاته اللي كنت عميانه عندها؟
جواله صار له فتره مستحيل يخليني امسكه؟
صاير يرز له صور بالواتس؟
ويقولي ارسلي لي صوري الحلوه؟
ماخذ ايباد مكسر من زمان وطططافي خربان.. وداه التصليح عشان ياخذ له صور
من سفرية شهر العسل؟؟؟؟؟؟
وبصراحة منحرجه اقولكم لكن لاحظت عليه انه xxx وبحالة xxx ؟وكان جواله بيده؟
وهذا توه بعد ماقريت الكلام ..حاولت امشي الوضع
ورحت عنده وانا وابتسمت له وقلبي ينزف الم ؟وضمني ووقال روحي ذاكري؟
طيب بروح اذاكر ورحت اذاكر عشان اخليه يسولف مع نوني؟يالله قد ايش انا قويه؟
تدرون وش اللي يوجعالقلب؟
ان عندنا دكتاره بالجامعه ررجال ويعطووننا ارقامهم ع اساس نتواصل معاهم بقروبات
وقت الحاجه وكل البنات موجودين عند دكاترنا الا انا عشانه؟!!!!
وحتى يوم اضطريت قلتله الدكتور طلب مني بحث ع الايمل؟ورسله بحثي من ايميله؟
ورد عليه الدكتور قال طالبتي فلانه هذا رقمي ..
وعصب وسوا سالفه؟يحسب كل البنات زي نوني؟ ولا يحسبني مثله بسمح لنفسي بالحرام؟ وانا متزوجه؟
جدا مجروحه ولاني قادره افتح كتابي ولا واجهته واتمنى لو اني بقيت مستغفله لين ماموت
ولا اعذب نفسي لاني عطيت واحد ثقه مايستحقها .