كنسل زواجته وقاعد يتفشش فيني

السلام عليكم
قلت بموضوع سابق لي ان هالبلوة المريض النفسي لي عندي كان بيتزوج بعد العيد بكم يوم
وعلى فجأة لغى زواجته وانفصل عن لي كان خاطبها بدون اي سبب
هو ماصارحني بالسبب ابدا
قالي اول مرة العروس اشترطت اطلقك انتي والاولى وانا مارضيت واتوقع انه كذاااب مو هذا السبب
وبعدين قالي بس خلاص ما يبغى يتزوج ولغى هالفكرة تماما من راسه لانه مو مرتاح نفسيا لفكرة زواجة ثالثة وتكوين عائلة جديدة
ورجع انصدم بزوجته الاولى سحبت عليه وسافرت هي وبناتها مع اهلها وقاعد الحين بوجهي طول الوقت
اتعبني نفسيا هذي الفترة كثير الله يهديه ويفكني منه وبس ابغى افضفض واطلع من حياتي هذي
اهانات وطلبات ماتخلص ليل نهار وليت تبين فيه الخدمة والمعاملة الحلوة لا يزيد تكبر علي
وحتى الولد متعبه نفسيا كل يوم يمازحه مزح ثقيل ويستهزأ فيه ويتأخر بمواعيده للمستشفى مايقوم الا لما الولد يقوله قوم خذني عشان يعطوني أبر دم ويستهزأ فيني بالمستشفى عشاني اتم رايحة جاي اسأل الممرضة
يقولي لي يشوفك يقول انه مريض سرطان او ايدز تراه يتدلع علينا هذا حرامي وبعدها يضحك يقولي والله لايق عليه مريض ايدز
الله لايوفقه بس حتى ابنه يشائم عليه ويستهزأ
حتى الحمل ساعة يبغاني احمل وساعة لا
قلت له ابغى احمل واجيب اخ ل ابني ما ابغاه يتم وحيد طول حياته
يقعد يقولي لا تجيبي لي واحد مثل هذا الغبي او تجيبي بنت مريضة نفسيا مثلك ما ابغاهم والله مو ناقصني ويقعد يضحك
وبعدها بكم ساعة يقولي شدي حيلك واحملي ابغى ولد ثاني مع ابني وحرمتي مارح تقدر تجيب عيال لانها عدت الاربعينيات
وكل يوم طلبات من يوم مايرجع للبيت الين ينخمد ينام
سوي اكل جيبي لي عصير جيبي لي قهوة تعالي سوي لي مساج تعالي دلكي رجولي
وبعد كل هذا يقولي انتي مريضة نفسيا ومدري مين المريض النفسي بينا
ما بيدي حيلة بس الا اني ادعي الله يسخره لي ول ابنه
للامانة تحسفت انه ماتزوج ذيك عالاقل كنت ارتحت منه ومن وجهه فترة عالأقل
كل ما اشوف اني اطلب الطلاق واخذ ابني ونروح بعيد عنه الاقي كل الابواب مسدودة بوجهي
لا وظيفة لا بيت اهل لا شهادة جامعية حتى الثانوية تخرجت منها بمعدل ضعيف
دعواتكم لي ولطفلي احبائي
استودعتكم الله