موااااااااااااقف كثير بايخة ومالها داعي وفي اوقات ما تنحب بعيد عنكم
الله يسامحكم ليش تذكرونا فيها
الله يسامحكم ليش تذكرونا فيها
الصفحة الأخيرة
واكيد اغلب مواقفنا واحنا في السنوات الاولى من الزواج
ذحين تعلمنا خلاص والله اللي يجي ومايتصل يتحمل القعدة ورا الباب الين مااجهز
الناس ماعادوا زي اول لو انهم محترمين ويجلسون في مكانهم ولايتحركون ماراح نتعب وراح نستقبل
عادي لكن صارت الوحدة تحب تتفرج وعنده فضول لكل شي واذا شافت شي مو حلو خلتك لبان في حلوق الناس
مواقفي غيييييييييييييييييييييييير
الموقف الاول جو اهل زوجي للمدين اللي احنا فيها زيارة لناس ووصلوا تسعة الصبح
وطبعا كان عندهم مفتاح لشقتنا (ذحين مستحيل اسلم احد مفتاح) المهم وصلوا
هم عارفين ان ولدهم في العمل وانا نااااااااااائمة كنت حامل واتوحم وهم عارفين
المهم صحيت على 11 تقريبا وكنت لابسة ملابس النوم طبيعي يعني وطالعة من غرفتي
بدخل دورة المياه الا اسمع اصوات في مجلسي وقربت ابغى اشوف الا اسمع اصواتهم تراجعت
ونسيت اني حامل وفحطت تفحيطة رهيييبة لغرفتي عشان لاحد يشوفني بلبسي هذا
ودخلت الهث والهث وامسك على بطني ولبست وطلعت ودخلت الحمام وطلعت لهم بعدين
موقف ثاني لهم ههههه
في رمضان وقبل المغرب بنص ساعة يتصلون يقولون بنجيكم برضه جو عندنا من سفر
من حسن حظي كنت جالسة الف سمبوسة لثلاثة ايام لكن شربتي قليلة
المهم خلاص حطيت حرتي في زوجي وقام معاية ينظف ويشتغل ههههه اهله
ولما كنا عالفطور قلت سامحوني الفطور مو قد المقام لكن مااتصلتوا علية من بدري ولا كان حسبت حسابكم
طبعا استحوا ماتوقعوا اقولهم كذا
موقف ااااااااااااخر
جانا قريب زوجي من سفر ووصل الصبح كنت نايمة وجاء زوجي بعد ماجلسه في المجلس
يهرول عندي قومي قومي جانا ضيف ياالله صباح خير مييييييين بصراحة بغيت اورطه ومااقوم
لكن استحيت وقمت جهزت قهوتهم وبعدين فطورهم وسمعت زوجي كلام عمره ماسمعه
ليش يدخله واحنا نايمين
موقف اخير لكن غير
كان عندي عزيمة وجاني اهل زوجي وناس قرايب واثناء ماانا اجهز في المطبخ وغرفة نومي قريبة من المطبخ
اسمع صوت دولاب ملابسي وكأنه ينفتح قمت نطيت بسرعة رحت لغرفتي لقيت ام زوجي تفرج الحريم
غرفتي خير ان شاء الله بدون استئذا لا ويشوفون داخل الدولاب الحمد لله غر فتي مرتبة كانت
لكن سبحان الله ممكن يكون شي طايح منا ولا مناك وماانتبهت
ومن بعدها كل ماجو هم نفسهم مفتاحي في فمي اقصد في يدي
ولاحظوا اني اقفل غرفتي
وسلامتكم اذا تذكرت كثير من المواقف رجعت