كن انت !!❤️

السلام عليكم بنات ❤️
انا جديدة في هاد المنتدى وما بعرف انا هاد المكان المناسب لكلامي بس حبيت اطلع الي جواتي لاني حانفجر
رح احكي كتيير لاني بفضفض ،،،
انا بنوتة عانيت من التنمر من وانا صغيرة دايما يقولوا عني سمينة ويقارنوني ببنات عماني وخالاتي ومو بحقد منهم بس للضحك والانتقاد يعني مع اني كنت هادئة ومتفوقة بالدراسة وهم لأ ، فكنت محبوبة للجميع ولكن كنت اكره اطلع من البيت وأصير ابكي وابكي لا احد يقول لي سمنانة ، كانوا يخرجوني بالقوة .
ولما بدأت فترة المراهقة والله والله ما ابالغ لكن كانوا بس بالاعياد يشوفوني ، ودائما يقولوا لي انحفي، وتيتا من باب حبها لي كانت تحكيلي تنحف وخالتي عندها بنت نحيفة ودائما تحكيلي انتبهي على اكلك، يعني فترة مراهقين كلها والله عقدتي الوحيدة هي وزني ، وكيف انحف ، كلها كانت رجيمات وحتى من وانا طفلة 6 سنين كنت احاول اعمل دايت تخيلوا!!!
بعد ما مرت هالفترة الكريهة قررت واخيرا على شان نفسي مو عشانهم اني انحف وفعلا كنت اتحجج اني مريضة وما بدي اكل لحتى صرت (ما شاء الله) للوزن المثالي!! وفي فترة الحجر يعني بدأت شهر 4 ولما فك الحجر بشهر 11 الكل أنصدم وفتحوا علي باب جديد أنه وجهك مو نضر وكان احلى وانت مليانة والرجال ما بحب الا البنت المليان والله ثم والله حتى خالتي الي بنتها كانت نحيفة بنتها سمنت بفترة الحجر لتعرفوا شو بتحكي لي شوفي بنت كيف يغذيها وما بتحرك نفسها من شي ولا عمتي بتحكي كمان لبنتها لما شافتها وقدامي يلا هي فلانة نحفت وانت اسمني ناقصني انا.
صحيح انا خسرت وزن بس والله لأن عندي فوبيا من الاكل،اخاف اكل قدام اي احد واستحي كتييير
(والله ثم والله لما اشوف صوري وانا صغيرة بتندم ، لأنهم يبالغون باني سمينة ، والله كنت مليانة بس ومربربة يعني مو هديك السمنة الي تبشع!على قولتهم)
صرت واثقة من نفسي لدرجة ما حد بتخيلها ، واحب ادللها،واتغزل بنفسي لاني اشوف نفسي في المرتبة حلوة وحتى لو سمنت رح ضل حلوة ، وانا تعبت كتيير لحتى وصلت لها النقطة والدليل على هيك
اليوم كانوا ماما وبابا وتيتا بحكوا عن اختي احلى مني وهي صغيرة وأنه الحمدلله انها مش بعمري حتى ما تخرب علي مع أنه هي عادية جدا بس شعرها بني على اشقر ، وصاروا يتفرجوا على وجهي بدهم ردة فعل وأنه ازعل
بس والله ولا حتى على بالي انا حلوة وحتى لو يشوفوني عادية (مع أنه كل صحباتي بحكولي وجهي طفولي وبري ء وملامحي ما شاء الله متناسقة جدا )وانا حلوة بنظري ومش رح اسمح لاحد يتنمر علي
هاد المجتمع ظالم الا من رحم ربي يعني صار عمري18 وبها السنين شفت منها كتير لصرت لها المرحلة ، وكل حد يعرفني بحكيلي عقلك اكبر من عمرك في هاد المجتمع الي مو واثق بحاله بموت بتنصيبه امراض نفسية من كلامهم وتنمرهم ، ما يتركوا حد بحاله ،
ومتل ما قال رسولنا الكريم صل الله عليه وسلم ❤️. الكلمة الطيبة صدقة
بعرف اني طولت كتيير وما بتوقع أحد يقرأه كله😅
بس بكفي اني فرغت الي بنفسي