كوافيرة شغلها شي جنااان لبنات مكة

السلام عليكم ورحمة الله وبركاته
كيفكم ايش مسووين ان شالله تمام
بقولكم الموضوع على طوول بدون لف ولا دوران
المهم كان يوم الخميس اللي فات قبل يومين شبكة ولد عمتي المهم انا من الشطارة اللي فيني ماتحركت ولاحجزت ولا عند اي كوافيرة :D
قلت لمن يجي يومها بااتصل على الكوافيرة اللي جنب بيتنا واروح لها
<<< الاخت واثقة تحسب الكوافيرة فاضية لها في اي وقت
ويجي يوم الخميس ويادوب اتحركت وقمت اتصل فيها واقولها اليوم عندنا شبكة وماادري ايش قالت انا ماني فاضية اليووم عندي زحمة
:(
تمام واتصل اقول لبنت عمتي اللي هيه اخت العريس واقولها على اللي صار فيني طلعت هيه واخواتها حاجزين عندها
قمت ابكي وخلاص ماراح اروح وماادري ايش الا واتذكر كان فيه كوافيرة في الحارة كان شغلها حلوو
واشيل عبايتي واطلع لها انا واخواتي من العصر واجي لها اقولها تقدري تسوي لي اليوم قالت اوكي
قمت كعادتي استكشف المحل واشوف الشغل كيف
<<< وحدة ملقوووفة
الا اونصدم من المكياج اللي هيه مسوويته واسألها وين العاملات اللي زماان قالت طلعوو من المحل وجبت ذولي بدالهم
هنا بديت احاول الهرووب من الورطة فأيش سويت انتظرت الادامية تدخل غرفة تانية واشيل اخواتي ونطلع وانا حايسة راجعه للبيت الا واشوف لوحة مكتووب عليها مشغل الهديل وطلع مشغل جديد بالحارة وادخل المشغل وانا اقول بيني وبين نفسي لو ماعجبني شغلها ماراح ارووح وراح ارجع البيت واسوي حالي بما ان شعري قصير
المهم
طبعا المشغل في مكان ماتتوقعي انه فيه هنا مشغل يعني في وسط الحارة
وادق الجرس الا وتفتح الباب وحدة مغربية سألتها وين الكوافيرة قالت جوا
ادخل لها وربي ايش اسلووب حلووو في التعامل وايش شغلها مرة جنااان
سويت شعري ودخلت للي تسوي المكياج كانت وحدة هندية شغلها شي خيياااااااااال
وايش ذوووق وايش حلاوة واللي احلى من كل شي تتكلم سعوودي يعني تقدري تقولي لها تسوي لك اللي تبين :icon28:
اللي في المشغل الكوافيرة نفسها وبنتها والمغربية تسووي حمام مغربي وواحدة تانية تسووي سشوار
والهندية حقت المكياج طبعا الكوافيرة هاذي في مكة اللي تبي عنوانه تقوولي واعطيها العنوان بالتفصيل
وربي لقيت عندها امه مع ان المشغل باقي جديد
ورحت للشبكة تأمنون بالله طلع مكياجي انا واخواتي احلا من اخوات العريس