كوافيره ممتازه

السلام عليكم
كيفكم بنات : انشاءالله تمام
طبعا حدخل في الموضوع على طول
انا من شهرين ادور على كوافيره تسوي ميك اب وتسريحه وتجي للبيت وكثير من البنات ماقصروا وكنت محتاره منو اختار كل وحده تمدح لي فلانه ورحت لمنتدى ثاني ونفس الشي وبعدين اقتنعت وحجزت عند احلام التونسيه ( ام وليد) على انها تجيني البيت وتسوي لي على كلام البنات انو شغلها فضيع بعدها تفأجات اختي تقولي روحي شوفي الكوافيره اللي انتي حاجزتها طلعت كلام فاضي وهي اللي تسوي دعايه على نفسها بأكثر من اسم تدخل المنتدى بصراحه ماصدقت الا لما شفت بعيوني وربي بغيت اموت من القهر لانها بذمتها ليوم القيامه
طبعا انا الحين كنسلت ماعاد ابيها اختي تقول نروح مشغل افضل بس مشكلة المشاغل زحمه ولازم نكون بالقاعه بدري لاني اخت العروسه .
فأنا اطلب من كل بنت تدخل وتقرا موضوعي وتعرف كوافيره شغلها زين مو تخبيص تقولي عليها وياليت تكون هي مجربتها لاني مستعجله وهذي امانه احملها كل كوافيره انها ماتجي هنا وتمدح نفسها على انها عضوه وتبي الخير الله لايوفقها اللي تسوي لنفسها دعايه منكم ياكوافيرات ولا يكتب لها الخير في رزقها......
الحين اتمنى كل عضوه تقول عن كوافيره ميك اب وتسريحه هي مجربتها وكل وحده تقول رائها عشان نستفيد من بعض لاننا كلنا ورانا حفلات وانتم عارفين..
واسفه على الاطاله
والف شكر لكم
والله يسعدها اللي بتساعدني ويوفقها في حياتها
دمتم بسعــــــــــــاده