كيفكم يا بنات اليوم قلت انزل شكل جديد للبسبوسة دايم نسويها صينية ونقطعها مربعات او معينات احطها في صحن للتقديم ومحد يمد ايدة عليها لانهم ملو من البسبوسة مع اني كنت اسويها وما تبقي منها ولا فتفوته لدرجت كنت ادور على وصلة اذوقها بعد ما يروحوا الضيوف ما القي وخطرت على بالي هاذي الفكرة بدل الكوب كيك الكوب بسبوسة
مع اضافات بسيطة والطريقة العادية الي دايم نسويها
المقادير:-
2كاسة سميد *كاسة سكر * بيضة * علبة قشطة * نصف كاسة حليب جاف * ملعقة بيكنج بودر * فنجان زيت
+ بسكوت اوريو
الطريقة :-
نحط في زبدية عميقة البيض ووالسكر ونخلط وبعد القشطة والحليب ونخلط ونحط السميد و البيكنج بودر ونخلط ونحط الزيت ونخلط وطبعا باليد مو خلاط اذا كانت قاسية نحط عليها شوية حليب سائل وبعد كذا نوزعها على اوراق الكب كيك
خلينا نشوف بالصور
نحط طبقة من خلطة البسبوسة
نحط بسكوت الاوريو على الطبقة الاولي
نرجع نحط طبقة من خلطة البسبوسة
ونحطها في الفرن من تحت بعد كدا من فوق حتى يشقر
نرصها في صحن ونحط عليها الشيره
ونحطها في صحن للتقديم مع القهوه
ان شاء الله تكون فكرة حلوة ومحد قد سبقني لها