السلام عليكم ورحمة الله وبركاته
اخباركم ياعسولات ....؟
جبت لكم طريقة ألذ بسبوسه ذقتها بحياتي ..
اخذت طريقتها من خالتي بس غيرت فيها لأن هالبسبوسه لذيذة مررررره
بس مشكلتها ماتتقطع بشكل مرتب ..
المهم ياطويلات العمر جت لي طلعه مفاجئه وماحب اطلع بيدي فاضيه وكنت مسويه هالبسبوسه
بس عجزت اقطعها واحطها في قوالب
وتفضلوا هذي طريقتها
المقادير:
ك سميد ،، ك جوز الهند ،، 4/3 ك سكر
ك حليب سايل ،، 4/3 ك زيت ،، م ك بيكنج بودر
م ص فانيلا ،، بيضه ،، فنجال قهوه دقيق
الطريقه:
توضع جميع المقادير في زبديه وتخلط بالمضرب اوبالملعقه ..
وتصب في صينيه وتتركينها نص ساعه في الصينيه وهي مغطاه ..
دخلي الصينيه الفرن ولما تتحمر البسبوسه صبي عليها علبة نستله او شيره اللي يريحك ..
والحين شوفوا معاي بالصور وش سويت
اولاً: لبست القفاز وعجنت البسبوسه حتى فقدت معالمها ..
ثانياً: اخذت صحن التقديم ورشيت فيه شوي جوز الهند ...
ثالثاً: كورت البسبوسه وغمستها بجوز هند ورصيتها بالصحن ...
رابعاً: صبيت عليها شوي شوكولاته سايله (العلالي) ...
خامساً: حطيت فيها سيوف صغيرها ملونه ...
وهذي النتيجه النهائيه ...
لاتحرموني من ردودكم الحلوهـ
محبتكمـ : ام لمووور
يعطيك العافيه