المقادير
حبة دجاجة
بصلتين وسط مفرومة
حبتين طماطم في الخلاط مطحونة
حبتين ماجي
زبدة الاصباع
علبة صلصة السعودية
بهارات بحباتها(فلفل اسود -هيل- قرفة-فرنفل)تقريبا كله مع بعض يجي ملعقة اكل مليانة
بهارات مشكلة نصف ملعقة -شوي كركم انا اضيف يطعم الاكل
مويه مغلية
رز بسمتي مزة انا استخدم ابو شماغ مزة
مكرونة اسباجيتي
الطريقة
اول شئ نذوب الزبدة في القدر والزبدة سر الطبخة ونكشن البصل فيها لحد ماتذبل وبعدها تحط الدجاج ونقلبها معاها شئ 5 دقايق ونضيف البهارات والماجي و الملحوالبهارات المشكلة والكركم (البهارات انا احطها في علبه الستيل المخرمة عرفتوها عشان مااحب البهارات بحباته في الطبخة ونضيف عصير الطماطم والصلصة ونخليها شئ دقيقتين على النار
وبعدها نضيف المويه الحارة عليها لحد ماتغطي تقريبا اكثر من نص الدجاجة ونخليها تستوي
بعد كده اسلقي المكرونة في مويه نصف سلقة وصفيها
بعد استواء الدجاجة قسمي المرقة على نصفين نصف للرز والنصف الثاني للمكرونة
اطبخي المكرونة في المرق لحد ما تستوي تمام
واطبخي الرز في المرق لحد مايستوي
والدجاجة الحلوة دخليها الفرن وحمريها
عند غرف الارز انا اقسم الصحن لقسمين قسم للمكرونة وقسم للرز و ازينه ببيض مسلوق في ناس تحط الرز وعليه المكرونة بس انا افضل طريقة التقسيم
واقدمه مع السلطة و سلطة الطحينة
اخليكم مع الصور
السفرة بشكل عام وصحن الدجاج على جنب
ودا من قريب
ودي سلطة الطحينة
شكل البيض مكركب عشان كنت مستعجلة وقطعته وهو حار
بس جربوه تراه مرة لذييييييييييذ
واللي عندها سؤال انا موجودة
رووووووووووعه
فرحانه اول رد ههههههه
تسلم يدينك