جزا الله صاحبتها كل خير
رحت المطبخ وجهزت كل شي
بصل مفروم ورشة ملح وفلفل اسود واريغانو
حطيت معجون طماط وزيت زيتون
خلطتهم مع بعض
كسرت الاسباغتي من النص وحطيتها عالخلطة وحركتها عدل حتى تاخذ النكهة
مجهزة الكوسا فتحتها من الجهتين
حشيت الكوسا وصفيتها في القدر اهم شي ما نعبيها فل حتى نخليها تتنفس وقت الطبخ:)
خلطة البصل اللي زادت ضفت عليها شوية لحم مفروم وخلطته وحطيته فوق الكوسا
في الخلاط
حطيت طماط وبصل وفص ثوم وفلفل اخضر حار حبة وحدة وملح وفلفل اسود واريغانو وزيت زيتون وعصير ليمونمع كوب ونص ماي وخلطتهم وصبيت الخلطة فوق الكوسا
وكان هذا اخر عهدي فيه
قلت للشغالة الساعة كذا حطيه على نار هادية لمدة 45 دقيقة
وعطيتها طريقة شلون تسوي لب الكوسا
بعدها رحنا المستشفى مع بنتي الله يحفظها ويشفيها يارب
هناك قرروا انها تنام في المستشفى عشان العملية بكرا
على الساعة وحدة اتصلت في بنتي الثانية قلت لها صوري الغدا ابي اشوفه شلون طلع
واذا زاد شي جيبوه لي العصر وانتوا جايين خاطري فيه:p
حبيبتي ما قصرت صورت وجابت لي
الحمدلله عجبهم كلهم
ولب الكوسا طلع روعة ماشالله
طريقته حلوة وصحية :جهزي خلطة المحشي من رز وطماط وبصل وشبث وكزبرة وملح وفلفل اسود وكمون
واخلطي معها لب الكوسا وعصير ليمون وماي
خليها على نار هادية واخر شي ضيفي زيت الزيتون وحركيها وخليها دقيقتين
بعدين اغرفيها وقدميها وهي حارة تجننن ما شالله
وهذا صحني وانا في المستشفى بس حلاته وهو في البيت وحار
اخذت حبه والباقي وزعته بالعافية على قلوبهم اللي كلوا
اكثر شي فرحني انه عجبهم وايد
حاطة في قاع الصحن شبس ليز <<فاضية هههههههه
الحمدلله الذي رزقنا هذا من غير حول منا ولا قوة
جربوه يا بنات ترا روعة وحركة حلوة:)