كيفكم يا حلوين رح اقدملكم كوسا محشي بصلصة البندورة طيبة كتير وبتمنى تعجبكم
بسم الله نبدا
كوسا بين متوسط وصغير
كاسة ونصف رز مصري(مغسول ومنقوع ومصفى جيدا من الماء)
حبتين بندورة
فصين ثوم مهروسين
مللعقة كبيرة الا ربع بهارات مشكلة
نصف ملعقة صغيرة فلفل اسود
ربع ملعقة صغيرة كمون
ربع ملعقة صغيرة قرفة
ملعقة صغيرة هيل مطحون
ملعقة كبيرة نعنع ناشف
مكعبة ماجي
لحمة مفرومة
مقادير الصلصة ماء
رب البندورة
فصوص من الثوم
ملعقة صغيرة نعنع ناشف
مكعبة ماجي
الطريقة
نضع كمية من الزيت ونضع اللحمة بنقلبها على النار حتى تستوي انا بخليها تستوي لاني بعملها بالليل وبطبخها تاني يوم وبطفي النار تحتها بحط مكعبة الماجي على شان تذوب وبحط الثوم المهروس وبقلبهم مع اللحمة
ثم نضع الرز والبهارات والنعنع والملح و البندورة وبنقلبهم
بنحشي الكوسا للنصف ما تزيدي ثم نحضر الصلصة بنحط كمية من الماء كافية لتغطيه ونضع رب البندورة حسب ما بتحبي الكمية اذا بتحبيها خفيفة او ثقيلة ونضع مكعبة الماجي و النعنع الناشف وبنسقط حبات الكوسا
بعد مضي نصف ساعة تقريبا بنفرم ثوم انا حطيت 3 فصوص ثوم بنقلبهم بزيت حتى يصبح لونهم اشقر ونضعه على الكوسا
بنغطيها وابنتركها على نار هادئة حتى الاستواء
وبتقدميها وبالعافية شهية كتييير
ان شاءالله نازلة على عمان يوم الخميس بعد بكرة رح اشتاقلكم كتير
اختكم في الله توتو ام محمد
تروحي وترجعي بالسلامه وسلمي لنا على عمان وقهوة الفاروقي