انا راح احكي من خبرتي مع ابني الكبير وهو كان بالكندر

جاردن او اول ابتدائ . ياستي هو من النوع الى يستحي مادب زياده عن اللزوم يعني ما بحدب يغلط وما بحب الي

بيغلطوا فعشان هيك كانت عنده مشكله الصحبه. بس كانت

عنده صديقه زميلته بالمدرسه كا يلعب معها كل يوم ويمكن مره او مرتين زارها ببيتها. بالنسبه لالي لم افكر بالطريقه انه كيف ولد بيلعب مع بنت او انه ما في الا بنت الى يلعب معاها؟ لا كل تفكيري كان ان له زميل في المدرسه يلعب

ويركض معها احسن ما يكون وحيد ومنطوي lonely لوحده.

بالعكس كنت مبسوطه له لانهم اطفال وليس بعقلهم الا اللعب ,فما حبيت ان يكون بلا زملاء. ياستي بعد ما بدات السنه الدراسيه الجديده لم تكن في فصله وبنا علاقات مع

اصدقاء جدد كلهم اولاد, اعتقد انه كبر شوي وفهمت ان

البنات مع البنات والاولاد مع الاولاد يلعبون. يعني بالمختصر

هو كبر وفهم لوحده ,والله يستر بس يسيروا بمرحله

المراهقه هذا هو السن الى راح اخاف منه لما ينوي او يفكر

يصاحب ساعتها ببدا العناء

اشكرك يا بوادي و اشكر الاخوات على الموافقة على موضوعي لانه مسبب لي حيرة.

ابني عمره 9 سنوات, بريء بكل معني الكلمة <<<< حطوا تحت كلمة بريء مليون خط, خصوصا اني عاشرت اخواني و شفت بلاويهم من وهن 5 و 7 سنوات, و شايفة ابن اخوي و هو لسه ابن 4 سنوات بيعرف شغلات يا رب سترك <<< هاد الاخير مانعة بنتي تقرب ليه او تلعب معاه الا اذا كان تحت عيوني و شايفة لعبهم. في نفس الوقت بنتي بخليها تلعب مع ابن اختي عادي بدون رقابة لاني عارفة تربيته و عارفة انه مثل ابني بريء لسه و هو عمره من عمرها 5 سنوات.
هلأ ابني محوط ببنات اخواني اللي من جيله شي اصغر منه و شي اكبر منه و بعضهم بلغوا, بس لاني عارفة تربيتهم بتقدروا تقولوا ربينا اولادنا مع بعض و عارفين كيف اخلاقهم و اللي بلغت بتعرف انه قصة بلوغها و اللي اتعلمته ممنوع يعرفوه اللي لسه ما بلغوا خصوصا ابني << لانه الولد الوحيد اللي من اجيالهم.
هلأ ابني بيلعب من البنات عادي كانهم خواته, ذي جيت الونج بشكل ممتاز, في بنت منهم نفس عمره شو مرباية هالبنت عيني منها بدي اياه لابني اذا صار نصيب بس طبعا ما بجيب هالسيرة لحدا و لا حتى لزوجي هي بس داخلة مزاجي يمكن هي اكثر وحدة اتربت على ايدي, هالبنت شو بتكون منسجمة مع ابني و هم بيلعبوا كأنهم واحد فاهمين لبعض كثير بتخلص جمله اللي بيبداها.. انا هاي ما في عندي مشاكل من ناحيتها لانه بلشنا شوي شوي نبعدهم عن بعض و هي نفسها صارت شوي تبعد بسبب انه اختها اللي اكبر منها بعدت بشكل ملحوظ عن ابني فاثرت عليها و كلها سنتين زمان و لقائاتهم راح تقلب رسمية اكثرها هاي و باي لعب ما في <<< هيك طريقتنا مع اولادنا و سبق حصلت مع اولاد اخواني اللي كبروا هلأ و صاروا بالجامعات و بالهاي سكول و ما حصل ايا تمرد من ناحيتهم, يعني شيء بيحصل بالتدريج ما بيحسوا فيه و لا بيدروا كل انسان بياخذ مقعده من الحياة و بيكمل حياته من هالمقعد اللي الدين حدده ليهم..


هلأ ابني بالمدرسة, عنده اصحاب ياما, كل يومين ثلاثة عنده مجموعة اصحاب مختلفة و بيقلي ماي بيست فريندز, كان في ولد واحد ملازمه من اول السنة و سمحت لابني يروح بيتهم مرتين و اخذنا الولد معانا مرة للسنما بس بعدها صار الولد يقول لابني انه ابوه مانعه يجي لعنا, هالشي احترمته و حكيت مع الولد و قلت له يمكن لانكم صغار السنة الجاي اذا لسه اصحاب يمكن والدك يسمح لك ساعتها بيبقى ابني يجي لعندكم.
المهم انه صارله اسبوعين بيزن بده يروح لبيت وحدة بنت, و انا اقول لأ ما بتقدر و هو يقول اسمها و انا فاكرة انه الاسم امريكي مش فاهمة عليه, يختي لما ينكلزوا الاسماء بتتغير, يوم الخميس جاء هو و البنت و سألوني و انصدمت انه البنت عربية!! و محجبة كمان, راحت النبت تسأل امها -المنقبة- و امها وافقت!!!!!!!!!!! لكن انا رفضت و قلت يسأل ابوه. و احنا راجعين البيت قال عنها: she is cool she likes everything boys like she's not girly like the others

طبعا زوجي عارض و رفض. لكن انا دورتها براسي و قلت استشيركم بفكرتي, صحيح انه كون البنت محجبة و امها منقبة مش معناها انها خلاص صارت angel و تربيتها ممتازة, هالشي ما بعرفه الا لأعرف البنت منيح و اعرف امها, لكن كونها محجبة بيعني لي انه يمكن و الله اعلم انه اهلها مربيينها على مخافة الله, و جملة ابني عن البنت انها مش جيرلي, انه يمكن هالبنت لسه بريئة مثله.
صحيح انه اذا حطينا السالب و الموجب بينجذبوا, لكن بقلوب بريئة مثل هيك هل اتس اوكي يلعبوا سوى خارج سور المدرسة و لا لأ؟؟؟؟
عم فكر انه اسأل الام اذا بتضمن لي يكونوا تحت عينيها 100% من الوقت اللي بيكونوا فيه عندها, بس لسه قلبي مش مطاوعني, بلكي حجاب البنت عادة لانه من عاداتهم يحجبوا البنات بدري و يمكن البنت بتدرى عن شغلات انا ما بدي ابني يعرفها لسه؟؟؟؟
شو رأيكم؟؟؟؟

من لما ابني كمل ال9 سنوات و انا قاعدة على نار و ايدي على قلبي, كانه انذار لي انه خلاص راح يبدأ يتعلم شغلات مش وقت انه يتعلمها, خايفة عليه من كلام الاولاد بالمدرسة, مرة جاء يضحك و قال كلمة صدر بالانجليش, سألته شو معناها؟ قال اي دونت نو, شيست مي بي, قلت له انه صحيح معناها شيست لوحدة ست و مش كلمة مضحكة اللي تضحك عليها او تقولها و تعمل منها نكتة و ما بدي اسمع منك نبرة حكي مثل هيك مرة ثانية, و ما عادها ما بعرف اذا خوفته و بيتعلم شغلات بالمدرسة انا غافلة عنها و لا شو بالضبط, بنقعد انا و اياه امرار هيك بيكون معي وقت و بنتحدث عن المدرسة و عن مشاعرة و هيك شي بس ما جاب ايا سيرة من هالسيرات. هو بيصلي الحمد لله ما بيقطع فرض و كل شي و ايا شي بيعمله بنسأله دو يو ثينك الله راضي عنك و لا زعلته بفعلك؟؟ خصوصا لما تكون الشغلة بتأذي اللي حواليه من لعب و مزح و غيره.
و بنفس الوقت ما بدي ابلش احذر ابني و اقول ابعد و لا تقرب و من هالحكي لانه لسه ما وصل لدرجة ابلش احذر لسه ما تأهب و تأهل يسمع تحذير مثل هيك, لسه بريء و خايفة ان بلشت بدون ما يكون جاهز يسمع التحاذير خايفة انه افتح عيونه على اشياء هو مش شايفها.

على فكرة انا حاليا عم دور على بيت يكون 3 غرف نوم و نوينا انه قبل ما يكمل ال10 سنوات يكون بغرفه لوحده و نبلش معاه بشرح فصل البنت عن الولد و ليه عم نفصله عن اخته و نبدأ معه بالتنبيه ليه لعبات معينة ما بينفع يلعبها مع بنات اخواني بدل ما احنا هلأ شوي شوي بدون ما يشعر بنبعده. <<< يعني حاسة انه كمان سنة اكثر وقت مناسب و بيكون جاهز و واعي اكثر لحتى نبلش تحذيرات.

(عن نفسي كنت العب مع اخوي و اصحابه كانهم اصحابي لصرت 7 سنوات و امي مرة وحدة منعتني و بتذكر اني كنت اقعد على الشباك ابكي و انا اشوفه بيلعب مع اصحابه و انا لأ, حقدت عليها بصراحة اللي بعدتني بدون شرح و لا تمهيد و لا تفسير عن اصحابي ماي بيست فريندز و اخذت من الوقت فترة طويلة لقدرت اتقبل فكرة انه بس اصاحب بنات مع انه بنفس الفترة كان عندي صاحبات بالمدرسة (مدرسة بنات خاصة لاحظوا كلها بنات) و لما فصلتني عن اخوي و اصحابه فكرتها بتمنعني عن الصداقات بشكل عام يمكن هيك كان احساسي لانه فترة و وقت طويل بعدت عن كل البنات اللي كانوا صاحباتي حتى بنت خالي اللي كانت ملازمتني بالمدرسة بعدت عنها و لا عرفت ارجع اصادقها زي الناس. << هالشغلة ما بدي اولادي يمرروا فيها).

انا ما عندي اولاد لسة ان شاء الله لما الله يعطيني راح اربي اولادي احسن ترباية ووواخلي يصاحب بنت في فصله
مش شايفة مشكلة بالموضوع لانهم لسة اطفال مدام الواحد واثق من تربايته عاااااادي
يعني ووقتنا هاد صحبة الجامعات عادية ومسموحة من الاهل اجي امنع الاطفال البرئيين يصاحبووو >> هاد رائي الشخصي تقبلووه باحترام

لو قبل البلوغ ما أكذب عليكم راح أخليهم يلعبوا مع بعض لكن بحذر شديد جدا جدا خصوصا إنه أوسخ المدارس موجودة هنا بفرنسا،ليش؟لانه بالمدارس أكثر ألعابهم وسخه واشهرها إنه الولد يطلع فستان البنت أو ينزل تنورتها وهاذا من سن 5 سنين ...............ولعبة بوسني وابوسك..............أخ بس بنتي عمرها 10 أشهر و أحيانا أفكر كيف يمكن أرسخ في مخها فكرة اننا مسلمين وانه فيه محظور وحرام ومسموح ...؟؟؟
لا تقولون تربيه وماتربيه .........الشارع والاصدقاء والوسط المدرسي أو الجامعي للاسف أنا اعتبره ألذ أعداء التربيه الصحيحة

انا اتفق معة توتة انه المدرسة والبيئة تاثر بصورة كبيرة على التربية خاصة من يصير تناقض شاسع بين ماتربى عليه بالبيت ومايشوفه خارجه ،انا لاالقي اللوم فقط على البيئة طبعا الاسرة الها دور كبير بتنشئة الطفل لكن تحتها عشرين خط المجتمع هنا منفتح ومنحل جدا والكثير من الناس للاسف لم تستطع السيطرة على اولادها ،هل باعتقادك السبب فقط بالاسرة؟ لااظن!
انا لا انزه مجتمع دولنا ولكن بصورة عامة البيئة محافظة والسواد العام لايجاهر بالمعصية وهذا له دور كبير في مايراه الاولاد خارج البيت فمثلا بالمدرسة انا كملت دراستي بدولتي كل صف فيه تقريبا اثنين او ثلاثة بالكثير ممن يعرفون بالمشاغبة لااريد ان اصفهم بكلمات قوية فهل ياترى سيتاثر الطفل بالقلة ام بالكثرة؟
انا ام مثلكم وحريصة وخائفة على اولادي كثيرا من الانفلات لاقدر الله،افعل مابوسعي من النصح والارشاد والتعليم والباقي استودعه الله راجية منه حفظهم وهدايتهم وكل ابناء وبنات المسلمين.
اما بالنسبة لسؤالك عزيزتي توتة خليت نفسي بمكانك الصراحة ابنك ماشاء الله عمره على وشك البلوغ والافضل برأيي الشخصي اللعب مع الذكور لان الميول تختلف والاهتمامات تختلف بين الانثى والذكر يعني لابد ان يتسنى لهم الوقت للاسئلة والفضول عند الاطفال شئ معروف ، الله يحفظ اولادك .