الله يسلم ايديكي يا زوزو. و ان شاء الله ما في زعل و انا اسفه اللي تأخرت و اخرت الموضوع. ان شاء الله يجونا البنات كلن تدلوا بدلوها و تعطي رأيها و نظرتها لموضوع لسانك حصانك.


من و احنا صغار حفظونا: لسانك حصانك, ان خنته خانك, و ان صنته صانك.

طول حياتي و انا فاكره انه المعنى انه: لا تكذب, ان كذبت بلسانك فهو راح يكون اول مين يفضحك امام رب العالمين يوم الحشر و امام الناس و المجتمع اللي انت فيه.
و ان كنت صادق بكل كلمة بيلفظها لسانك بيكون هو اللي بيشهد لك امام رب العالمين..
(ملاحظين اهلي شو علموني؟ علموني اخاف من الله و اخاف من كلام الناس, لكن الرضاء ارضي الله و عمرينهم الناس خخخخخخ لانه الحقيقة مؤلمة و في ناس كثير بدها ايانا نكذب لتحمي انفسها لكن ان كذبنا اكلنا هوا و ان صدقنا هم اكلوا هوا)

لكن لما كبرت و اتزوجت و صار عندي اولاد <<< صارت قصة
عرفت انه معناها كبير اكبر من الكذب و الصدق... تراني كنت صغيرونه و تجاربي خفيفة بالحياة و ما بعرف للناس و لا اساليبهم.. لكن من اول ما اتزوجت سمعت بأذني الغيبة, و النميمة, و النفاق, و الكذب, عيني عينك بدون حياء و لا خجل!!!!!!

ما بيهمني اللي امامي يكون لسانه سلس و كلامه عذب, المهم يكون قلبه طيب و نيته صافيه, و الثنتين بيبانوا بالافعال, فكثير ناس ما بتعرف تعبر عن نفسها بالكلام... و بصراحة انا منهم, ما بعرف احط سبرينكلز على جملي و لا بعرف اجمل بكلماتي, هلأ اذا عندي حدا مثل هوم اكيد راح تنفر مني و تبعد عني و تلاقي لي اعذار و تبطل صاحبتي لسبب اني ما عرفت اقول كلمتين حلوات..

هالاسلوب ما بيعجبني بتاتا, و اللي بيعمل معي هيك بالناقص منه هو الخسران <<< نو اوفنس يا هوم الكلام مش موجه الك.

شو كنت احكي؟؟؟ جتني بنتي و شتتت افكاري... المهم اهم شي:
لا للكذاب, لا للنمام, لا للمنافق, لا للمغتاب.

يسلمو عالموضوع

انا صارلي موقف

و هو تفسير النوايا

يعني انا مثل ما قلتي ما بعرف عبر و كلامي كله كلمتين و اجاباتي مختصره مدري ما اعرف

المفاجاه صاحبتي سوت مشكله كبيره من لا شيء اتهمتني بعدم الاحترام و الخ من الكلام اللي محد يتمنى يسمعه

ليش هذا كله لان ردودي مختصره و ما مشيت على اللي هي تبيه

و الطامة الكبر انها بدات المشكله برساله كلام صاعق عشان ما سويت اللي تبيه مني بنفس الوقت

يعني مشكله ان الانسان يرمي الاشخاص بصفات و يحلل التصرفات بتفكيره و لا يشوف تصرفاته

الله ياجرنا في مصائبنا

حرمت اتعرف على احد تعبت من المشاكل

فعلا رضا الناس غاية لا تدرك

زوزو يا عيني ع المواضيع الحلوووة يعطيكي العافية يا البي
ووالله السان اهم شي بالانسان لانه هووو اساس شخصية الواحد ,, انا من النوع الي بقلبي ع راس لساني ما بعرف اجامل حدا بكره الا ازا كان مفروض علي متل زوجة الاخ الي مو منيحة بجاملها عشان اخووي بس بشكل عام لسان حلوو كتير وسليط بنفس الوقت يعني الي بوقع بلساني امه بتكون داعية عليه هههههههههههههه لا ووالله بس البي طيب
المشكلة في ناس بتحب للي بضحك عليها وبمدحها وبمسحلها جوخ حتى لو من وراها بحكي عليهم المهم تكبير الراس هاد النوع من الناس عنده فراغ في شخصيته وما بعبي هالفراغ الا الكلام الحلوو
وياما شفت ناس في حياتي لسانهم متل العسل بس اكتشفت مع الزمن انهم حربيات ومن تحت لتحت
لهيك صار عندي خبرة كبيرة بالناس من حرف او كلمة بقدر اقيم شخصيتهم هالشغلة ماما كانت مصعوقة مني فيها لما احكيلها فلان هيك وشخصيته هيك ويكون جديد بالعيلة كانت تدافع عنهم بس مع الزمن تكتشف انه كلامي صح وكانت تحكيلي عندك حاسة سادسة

جنان كلامك حلو فعلا مقوله قل خير او ليصمت جميله جدا.
توتا انا معجبني اسلوبك بالكلام جدا يشدني وافهمك بسرعه احسك صريحه جدا مابتعرفي تجاملي ابدا وهذا الي محببني فيك طريقت كلامك ماتخافي ضلي على اسلوبك الي بيفهمك بيحبك اكثر توتا والي مو فاهمك مثل ماقلتي عنه ههههه ولايهمك..
عالم النجاح عجبني طريقتك ماتحبي ثرثرة يعني ههه بتحبين يكون كلمه ورد غطاها فعلا الاسلوب حلو اتنمى لك التوفيق يارب.
امورة وه بس الحلو طلتك يالغلا.يعني بتايدي كلامي انه اللسان هو مقياس الشخص من خلاله بتعرفي قلبه لانه القلب مابيعلم فيه الا الله سبحانه وحدة وانه الا يجي يوم ويكشفه لسانه كلامك تمام نفس نظرتي للشخص اوف منه الحاسه السادسه هههه تعبتنا بااعتبرها انا بالانسان الحساس جدا توجد الخصله..

وه وه وه

يابنات على عبارة لسانك حصانك رووووووووووووووعه بس انا احيانا يفلت لسااااني عاد الله لايوريكم

**خصوصا اذا كان فيه عتب حبايب بين وبين شيخ الشباب اتلفظ واقول عبارات ترفع الضغط من جد ومااتندم الا اذا هديت بس الحمدلله انه تفهم ذا الشي فيني وصار مايتكلم معي الا اذا-لا إله الا الله محمد رسوله-يعرف اني هديت شوي ومع ذا كله ارجع واطول لساااني

**ثانيا مع الناس العامه الاقارب الاصدقاء المعارف لا امسك لساني ماماتي الله يحفظها لنا كانت دايم تقول لنا _كلمة مدري ترفع قدري_
بمعنى ان الوحده ماتطول في الكلام والهذره


<<<<يعني انا طولت لازم اسكت أممممممممممممممممممممممم