عن عائشة رضي الله عنها قالت : " كان الرسول يقبل الهدية ويثيب عليها"
وقال الرسول : " تهادوا تحابوا" وفي رواية " تهادوا فان الهدية تذهب وحر
الصدر"
وقول الرسول : " ثلاث لا ترد, الوسائد والدهن واللبن"
ممكن ما أجد منكم من يحمل نفس همومي بخصوص النزلة إلى البلد لكن بحكم ديننا و ثقافتنا وعاداتنا المشتركة -في غالب الأحيان- راح تفهموني وتعذرو انشغالي
أنا نازله باذن الله للبلد مع زوجي وبنتي (رضيعة) فيه عندنا زواجين في العائله اوكي؟ معناه لازم نحسب حساب الهديه (اللي غالبا تكون فلوس أو ذهب) هاذا أولا
أنا عيلتي وعيلة زوجي كبيرة والكل ينتظر هدايا ،بدون حساب أكلنا وشربنا والمصروف اليومي بين بيت أهلي وبيت أهل زوجي .............أنا أكره البخل و ما أطيق البخلاء و في مشاركتي هاذي أنا لا أعرض لكم حاجتي للمال أبدا أبدا أبدا..........حياتنا والحمد لله ميسورة وماعندنا مشاكل ............لكن أود من خلالها أن أقول لكم بصراحه إنه الناس في بلدنا يظنون أنه المتغرب يملك مال قارون وبس!! اتمنى ألقى إجابات شافيه و سهلة التنفيذ
عن عائشة رضي الله عنها قالت : " كان الرسول يقبل الهدية ويثيب عليها"
وقال الرسول : " تهادوا...
زيارتنا للاهل اين نقيم؟ماذا نهدي؟ميزانيتنا؟
ابدأ بنفسي... فلسطينية و زياراتي للبلاد بتكون نصفين, نصف في الاردن و نصف في الضفة...
لي في الاردن اهل زوجي, حماي و حماتي و بنت حماي و زوجها و سلافي و سلفاتي
و لي في الضفة اهلي (عايشين ما بين امريكا و فلسطين) و بنات حماي و ازواجهم.
هلأ اهلي شي طبيعي ما في بيني و بينهم هدايا, الا اذا حدا فيهم قعد بالبلاد فترة طويلة و صاني اجيب معي غرض ضروري مثلا دواء ناقص عليهم او ملابس او نواقص, الحمد لله اللي انعم على اهلي و اخواني طلبات اهلي ما بدفع فيها نوت اي سينجل بني, اخواني بيتكفلوا في كل شي ما علي الا الحمل لانه عيب جدا عنا انه الصهر يدفع في شغلة ضرورية خاصة لاهلي و اولادهم موجودين ما شاء الله عليهم. فبكتفي بعطر لوالدي و عطر للوالدة او شنطة يد مني كهدية اند ذاتس ات <<<< اوه صحيح, بحمل معي شنطة ملابس اضيقت على اولادي و ملابس بجيبها من نفسي رجالي و نسائي و اطفال مختلفة الاحجام و لما اوصل عند اهلي بنوزعهم على كم عائلة ميسورة الحال كصدقة و دفع بلاء عن اولادي.
اهل زوجي و اخوانه و خواته, الهدايا بتكون على حسب الميزانية, اول شي بنشوف اذا في ايا طلبات خاصة, شغلة في نفس اخته او لعبه تمناها ابن اخوه و هلم جرى, بنعدهم شخص شخص و بنبلش نشتري و بنزيد من عنا, و اذا ما في طلبات خاصة زوجي بيبعث معي فلوس عوض عن الهدية, و كله على حسب الميزانية, بنحسب حساب البنات و حماتي و حماي رأس العيلة كلها الله يخليه لاولاده (يعني الولايا و حماي).
هالسنة الميزانية مش غاد غاد, زوجي بيقول انه راح يبعث كمبيوترين اجوه طلب خاص و 2 بلايستيشن و خلاص و راح يبعث فلوس لوالد و امه بالمعية ان شاء الله كان مركن على التاكس و يبعث 5 بس الله ما كتب حاليا ما في غير 3 ما شاء الله و يمكن من هلأ لاسافر نزيد عليهم يمكن لأ, و الخوات راح يأجلهم ليجي العيد و يبعث عيدية او يبعث لهم و انا بالبلاد.
هلأ خلصنا من الهدايا...
الاقامة <<<< و انا بعمان بقعد عند حماي و حماتي, الاثنين بسيطين بحياتهم, عايشين من يوم ليوم, ما في عندهم هموم في الدنيا غير زوجي و خواته (احب الغائب حتى يعود) كبار في السن بس ما شاء الله صحتهم قوية, بقعد عندهم طول فترة جلوسي بعمان (الا اذا كان ظروف خاصة مثل الصيف الماضي نزلت اساعد امي و جلست عندها طول فترة سفري و لما رجعت قعدنا بالاوتيل ليلة وحدة و جيت امريكا, شفت اهل زوجي مرة بس) المهم.
بفلسطين <<< بقعد عند اهلي, بيت والدي ما شاء الله صامد في وجه الزمن مهما اتهجرنا و اتغربنا باقي مصمود بيسرح فيه الخيال...
ميزانيتي <<<< تذكرتي: لما انزل لزيارة خاصة باهلي, بيدفعوا تذكرتي, مثلا لما والدي تعب و صابته غيبوبه نزلت انا و ابني على حساب اخواني, و لما نزلت الصيف الماضي اساعد امي دفعت بنفسها تذاكري و اولادي, لكن هالسنة نازلة بخاطري, و كنت حابة آخذ اولادي, بس ما راح اقدر, من لما رجعت و انا عارفة انه هالصيف راح انزل, من يومها بدأت احوش و اجمع فلوس لاجمع سعر تذكرتي الحمد لله ربي وفقني و جمعت مبلغ يكفي لتذكرة لنفسي و يبقى معي 1000 دولار بس, الحمد لله على كل شي, فراح انزل بدون اولادي اسبوعين زمان. حاسبة حساب انزل و معي ال1000 و يزيد زوجي فوقهم ان قدر راح احاول اجمع من هلأ لاسافر لكن مش باين لانه طالعين فاكيشن كمان شهرين باذن الله و الميزانية راح تنخرم على المضبوط... لكن مش مهم, راح آخذ معي كرت البنك و الوسترن يونيون مش بعيد عن بيت حماي و زوجي ما شاء الله كريم و الله اكرم و ان شاء الله بيرزقنا كمان و كمان.
هلأ بالعادة لما انزل بيت حماي بوصل العصريات, بحمل حالي بعد ما اوصل و بروح السوبر مارك و بجيب ماء و اكلات من اللي بيحبوها اولادي, لانه من منطق انه اكلف بيت حماي باكل و شرب ما بيشربوه و لا بياكلوه, مثلا ماء معلبة بيشربوا من الحنفية, اكلات مثل الحليب السيريال المعكرونة فواكه مشكله, اشياء ما بيجيبوها او بيجيبوا منها على قدهم مستحيل و انا قاعدة عندهم اخلي حماي يجيب شي ما يدفع سعره ابنه, و حماي نفسه عزيزة ما بيرضى, شو بعمل؟؟؟ بخليه لما ينام و بروح لمحفظته و بحط فيها فلوس (مع انه مش محتاج بس لحتى ما احس اني كلفتهم فوق طاقتهم, يعني اثنين متعودين يصرفوا مثلا -ما بعرف كم و الله فمثلا- 300 دينار بالشهر, معي انا و اولادي ال300 بيروحوا باسبوع, لهيك بحط الفلوس و ما بسأل و بعمل حالي ما معي خبر, و يجيب لحمة و دجاج و الخضرة و الفواكه كلها بتصير علي, الفطور اتعودنا على حماتي بتطول من عبها محفظتها الصغيرة و بتوصي على صحن حمص على كيف كيفكم و فلافل يمييي و بتعمل احلى فطور تاكلوا صوابعكم وراها, و الغداء طبيخ من طبخي او عزومة انعزمناها و العشاء نواشف او اكل بايت او من اللي موجود بالبيت...
الحمد لله اللي رزقني ببيت حماة طيبين بينحطوا على الجرح بيطيب, بس عيب المكان <<< ما في برايفيسي بالمرة, اولاد سلافي بنات و اولاد طالعين داخلين, ما فيني امنعهم, و سلفاتي بشوفهم All over the house ما في حتى اتكلم براحتي بالتلفون حتى مع زوجي, بتكلم انجلش معاه لحتى ما يعرفوا شو بنقول, في شي اسمه خصوصيات و عندهم ما في خصوصية, حماتي بتقول ليش تحكي بالانجليش مع زوجك؟؟ خايفة نعرف انه بتقولي بحبك و حبيتني ههههههههه تحفة و الله حماتي.. هاي بس هي العيبة الوحيدة اللي اذكرها عدم وجود الخصوصية و بغياب الخصوصية بيزيد شرت و عملت و قامت و قالت و حطت و راحت و اجت و ووووووووووووو منها بتصير قصة من لاشي...
لما افارقهم بحس اني بكلفهم, ما بشوف الا الهدايا و التذكارات و اغراض الاكل من ميرامية لملوخية لمكسرات لقهوة <<< بحس اني قصرت معاهم ما بعرف بكره هالشعور, بتعرفوا حماتي في ال2005 اعطتني غطاء دافي كبير و ثقيل و رفضت آخذه و قلت لها بيتك اولى فيه, و اتحججت انه ثقيل ما بقدر آخذه امريكا, تصدقوا انها احتفظت فيه لين نزل زوجي السنة الماضية و حملته اياه!!!!! اتجننت لما شفته و لمت زوجي و قلت له ليه ما قلت لها خليه لك اتغطي فيه بالبرد..
لما بنزل فلسطين عند اهلي, ما بعرف بحس اني رجعت طفلة صغيرة, لحضن بيتنا و شجراتنا, من ما ادخل بيتهم لاطلع منه ما بهكل هم شي, لا فلوس و لا ميزانية و لا شي نهائيا, و السبب قول والدي: عيب تدخلي بيتي و ما اطعميكي.... they go out of their way ليرضوني و يرضوا اولادي, حتى هدايا ايا شي في نفسي من لبس للبن لملوخية لفريكة لشوكولاته لمكسرات لحيايا لاغراض للبيت من كاسات و صحون (ايوه بحمل معي كاسات و صحون و صواني) كل شي بيقولوا بدك كذا؟ اجاوب و اقول زيدوا كمان...
هممممم شو كنت احكي؟؟؟؟ خليني ارتاح و انام و بكره برجع بشوف شو خبصت