♥♥tuta♥♥ :

و الله يا هوم كنت اقول لهم ان شاء الله, و اشرحها و اقول انه معناها "اذا الله بده هالشغلة تصير بتصير" بس صرت لما اقولها ابني يرد و يقول لاخته: جنين يعني ات ويل نيفير هابين, صرت اقول لها انه خلاص بكرة الصبح, و هاي برضه بطلت تنفع ما بيسكتوا ان قلتها, لازم اشوف لي حل ثاني. الله يرحم والدك و يغفر له, والدي ابدا عمرة ما منعنا من شي, سامح لنا بكل شي, طريقته في التربية انه اذا ما جربنا و غلطنا عمرنا ما بنتعلم. بينك شادو <<< انا مع هوم بكلامها, انه تقولي رأيك سواء راح ياخذ فيه او لأ المهم انك قلتيه و هو عارف انه هاد رأيك, لحتى يجي بكرة و يقول يا ريتني رديت عليكي, هون بيكون حس بقيمتك و بقيمة افكارك و بيصير ينتبه لكلامك.. لكن اذا انتظرتي و ما قلتي شي و جيتي بعد ما تفشل الخطة اللي هو حطها تقولي لو انك سألتني كان قلت لك كذا كذا, هالطريقة ما بتنفع بتاتا بتخليه ينفر منك و يبعد عنك اكثر و اكثر <<< بيصير معايرة اكثر من نصيحة لمنفعتكم. يا ما تحصل معي, مش بس مع زوجي لا مع اخواني كمان, اقول الفكرة و لا كاني قلت شي, بعد يومين يرحعوا يقولوها الشباب و تكون مهمة و هي الفكرة الصائبة و الكل يمشي عليها, مش مهم عندي اني آخذ الcredit و المدح على اني طلعت بالفكرة, المهم انه مشوا عليها و بعدوا عن اللي كان راح يخرب بيتهم. زوجي نفس الشي, بس يرجع لي اقلله مش قلت لك, شفته بينفر مني و بيتفادى يحكي بالموضوع, قلت انسي يا بنت, صرت اقول كل اللي بخاطري و اذا حسيته ما سمعني او فهمني اكتب له رساله فيه و يجي يقول بعدها يا ريتني سمعت كلامك, او بنفسه يغيير من رأييه كانه الفكرة فكرته اصلا. هوم في ناس بتكذب غصبا عنها, متعودين يحطوا سكر و يحلوا بحياتهم قدام الناس, زوجي مثل هيك, بس مش كذب اللي يضر الناس, لا بس عملت كذا كذا و هو اساسا مش عامل بس بيحب يشوف نفسه بطل قدام نفسه و قدام الناس.. لهيك بعطيه اعذار و بقول عادي شي متوقع من انسان طلع من المجتمع اللي هو كان فيه, بس بكره هالخصلة اللي فيه, ليه تحاول تحلي نفسك خصوصا امامي و انا رضيت فيك و انا عارفة تواضع اهلك عادي مش راح اتعالى عليك لا باهلي و لا بشاهدتي (خصوصا الشهادة قد ما اتناساها قد ما بيذكرها كل ما اتخانقنا), بس ابدا الا يزيد عسل و سكر و يقللي حركي باصبعك كمان لول.. انا ماني شيخة لاحلل حديث الرسول عليه الصلاة و السلام, بس عم فكر انه يمكن قوله اذا وعد اخلف, يمكن قصده انه بيكون بنيته انه ما يوفي بوعده او بيوعد و لما يفكر بالوعد بيقول في نفسه مش مهم او بيتناسى الوعد على انه مش مهم.. يمكن هاد القصد.. فمثلا اقول لاولادي بكره و انا عارفة و هم عارفين انه عمره ما راح يجينا بكره, هاد بدون قصد بس انهاء لنقطة نقاش اوجعت راسي, ما بنكر انها خطأ, بس ما بشوفها نفاق, لانه اولادي ما ناموا حاطين آمالهم على بكره. يمكن انا غلطانة؟؟ هوم <<< تقيمي الدنيا و تقعديها اشك انه في منها فايدة, يمكن يوفوا بالوعد بس بيحلفوا بداخلهم انه عمرهم ما حيوعدوكي مرة ثانية هههههه يعني ان انا وعدتك و عملتي فيا هيك شو راح افكر, امممم راح اقول شو هاللزقة, ما راح انفك كلمة و قلتها مسكتها علي, يا ربي و بضطر غصبا عني قادرة و لا مش قادرة احاول اوفي بوعدي و بضلني خايفة انه ما يعجبك اللي عملته و ستيل تقيمي الدنيا و تقعديها نو ماتر وات.... <<<< طبعا لا قدر الله بس بحاول احط نفسي في موقف حدا يصر على الوعد, يمكن حصلت معي كم مرة و فعلا هيك شعرت مع اني من النوع اللي اول ما تسنح لي الفرصة بوفي بوعدي, بس بيصير هيك ضغط فوق ما انا ضاغطة نفسي شايفة كيف؟؟؟ فخليكي مثلي افقدي الامل و اتفاجئي اذا حصل الوفاء..

و الله يا هوم كنت اقول لهم ان شاء الله, و اشرحها و اقول انه معناها "اذا الله بده هالشغلة تصير...