♥♥tuta♥♥ :

باين شرحي ما كان واضح, فبحاول اقرب لك لحتى تفهميه, اول شي ما قلت عبيد اساسا مين جاب سيرة العبيد, هلأ كلمة اسياد خلاص لازقة فيها كلمة عيبد؟؟؟؟؟ ما بعرف كيف الاوضاع ببلادك لكن اوضاعنا ببلادي او بالاحرى القرية اللي انا جيت منها شبيهة جدا لمسلسل سوري عن ايام زمان مثل باب الحارة و ايام شامية و غيرهم. فشوفي مسلسل باب الحارة بتلاقي فيه: المختار, شيخ الجامع, التاجر, الحلاق, الحمصاني و بقية الناس اللي بتشتغل بوظايف متشعبة و ليها مراكز مختلفة, كانه جبل بيكون من الكبير بالقمة للصغير بالقاع, و مثل المسلسل اهالي قريتنا هيك يد وحدة كل واحد ليه دور و ليه مركز و معروف انه اللي بيحتاج استشارة في شي مثل بيع شراء و غيره بيرجع للمختار و اللي بحاجة لمساعدة مادية بيرجع للتاجر و هيك شي.. فعندك اللي مراكزهم كبيرة صاروا كبار و اسياد البلد... فهلا و انتي ببتفرجي على المسلسل مثلا لو حاول بايع البليلة يضر الحلاق مثلا و يتعالى عليه شو بيكون شعورك؟ اكيد بتتعاطفي مع الحلاق و بتقولي كيف الزمن بيجور على الناس, هاد كان قصدي بقول انه بيتعالوا على اسيادهم و كبار بلادهم, تعالى في قلة الاحترام و محاولة ايقاع الضرر. <<< ان شاء الله يكون كلامي واضح. هالكلام بيذكرني بابيات بيقولوها بالاعراس لا تحسبونا من عدم المال ذلينا احنا كبار البلد و الشورى بايدينا لا تحسبونا من عدم المال فلسنا احنا كبار البلد و الشورى بمجلسنا فالكبير كبير بقدره و مركزه و مساعدته للناس, مش كبر بالمال و ظلم الناس و الجور عليهم.

باين شرحي ما كان واضح, فبحاول اقرب لك لحتى تفهميه, اول شي ما قلت عبيد اساسا مين جاب سيرة العبيد,...

♥♥tuta♥♥ :

توتا <<< ارجعي اقرأي كلامي مرة ثانية كله يمكن تفهمي قصدي, و ايوه في طبقية مهما قعدنا نقنع انفسنا انه لا مش موجودة, لكن طبقية عن طبقية بتختلف, في عندك طبقية مثل ما بنشوف بالافلام المصرية اللي بيكون فيها اللي فوق جائر و ظالم و ماكل حقوق الكل, و في طبقية يمكن انتي ما شفتيها او مش عم تتخيليها اللي هي اللي بيكون فوق ما بيعلى قدام الناس و بقلوبهم و باحترامهم الا بطيبته و افعاله و حبه لعمل الخير. و مفهومك للعبيد بيختلف عن مفهومي, العبيد بالنسبة لي عبارة عن ناس مستعبدين مسلوبين الحقوق و مضطهدين. امورة <<<<< احنا مش اول مرة نطلع الجسر و لا راح تكون آخر مرة, الجنود اللي عليه اشكال الوان سواء جندي اردني او يهودي, انا ما قلت للرجال انك ما بتفهم الا لانه اثبت هالشي, يمكن انتي شفتي انه بنت عيب تحكي للرجال كلمة مثل هيك, بس انا ربيت اكون رجال و ما اسكت عن حقي, اختي بعدم تدخيلها اولادها بالهوية ما اخطأت و لعلمك انها مرت على 3 ضباط مدري جنود في الVIP و كلهم مشوها و ختموا زواجات اولادها لانها ماشية بالسليم, اما الاخ الافندي لو عارف عن شو بيحكي ما كان رجعها بعد ما اللي بيفهموا بشغلتهم مشوها, و لو بيفهم نتفة صغيرة كان ما قالها ارجعي للضفة, بيفكرونا اكمنه جوازات امريكية خلاص صرنا مليونيرية و نقول للشي كن فيكون, يعني فكره انه رجعتها للضفة بتكون سهلة بساعتين زمن بيدخلوا الهوية و بترجغ تطلع مش عارف او يمكن بيعرف بس متجاهل المشقة و الحجوزات اللي بنمر فيها هاد غير عن انتظار تقريب الشهر ليدخلوا بالهوية, لهيك اللي ما بيفهم بشغلة يتركها للي بيفهم فيها, هو وظيفته يختم جوازها الفلسطيني و ان فيه مخالفة ساعتها يفتح تمه غير هيك ما اله دخل بخصوصياتها و شغل غيره. حطي نفسك بهالموقف: ابوكي جاكي و قال انا اخترت لك ابن الفراش تتزوجيه, هل بتقبلي؟؟؟؟؟؟؟؟؟؟؟ فالفراش اللي بتتفاخري انه زوجك راح زاره بالمستشفى, انا اتزوجت ابنه! ايه والدي رفض دكاترة و مهندسين و مليونيرية بلا مبالغة بيجيني طلابين من و انا 14 سنة و والدي يرفضهم واحد واحد ما وافق الا على زوجي لانه عارف مع زوجي بيكون اشترى رجال يحمي عرضه و انا قبلت (صحيح كنت معارضة فكرة الزواج و دخلتها تجربة اثبت للي حولي انه مش شي صعب او مستحيل يمشي, لكن وافقت بغض النظر عن انه ابن الساعي او الفراش المهم انه رجال و قد حاله و سلامتك يا عمري). <<<< ملاحظة اللي بدها تيجي تصتصغر زوجي بقلها قبل ما تفتح تمها بكلمة تسكرة و تطلع من الملف زوجي فوق الكل بعيوني بقلبه الطيب اول واحد بلاقيه بيسعى ليساعد الناس حتى الناس اللي ما بيعرفها و اول مرة بيشوفها.

توتا <<< ارجعي اقرأي كلامي مرة ثانية كله يمكن تفهمي قصدي, و ايوه في طبقية مهما قعدنا...