كوبونات الراقية تسجيل الدخول

جوري بنت خالد

كوكتيل سوالف<<ان شاء الله ماتندمون

الملتقى العام •

السلام عليكم ورحمة الله وبركاته

اللهم اشف بنتي شفآء لايغادر سقمآ:44:


بنات تحسون زي احساسي ان بركة الوقت في المدن الكبيره قليله:44:

سبحان الله من خلقتي في الرياض وماعمري حسيت بنزعة الوقت وسبحان الله وشاءت الاقدار

ان الاسبوع الماضي نروح لمدينه صغيره في مكه لحضور زواج احد الاقارب وسبحان الله حسيت بالوقت صح

اقولكم كيف حسيت وكيف حسيت ان بركة الوقت في الرياض منزوعه وقيسي عليه باقي المدن الكبيره في السعوديه..



خلصنا من المشغل ورحنا لشقه نلبس واتجهنا للقاعه والله انه في لمح البصر لقيت نفسي وسط القاعه ومكياجي ماساح وتسريحتي ماخربت مع الحر وزحمه السيارات وشد الاعصاب


بعكس الرياض احجز قبل الزواج بـ اسبوع واروح لهم بدري على العصر واخلص على المغرب واطلع من المشغل للبيت وزحمه وحر واوصل البيت بعد صلاه العشاء

والبس ونتجه للقاعه وواوصل لها 10 او 11من الزحمه والحر

صديقتي متزوجه وساكنه في قرى القصيم وتقول اذا كان لي موعد في المستشفى اروح قبل موعدي بعشر دقائق

وانا من شقشقة العصافير من الزحمه والحر ودوام زوجي

يالله بركة الوقت موجوده في المدن الصغيره غير نفوس اهلها الطيبه

سبحان الله المشاوير فيها بركه في المدن الصغيره يسوون اكثر من شغله في اليوم الواحد

عكس المدن الثانيه

مشوار واحد وينتهي آخرالنهار

والله ماحسيت ببركة الوقت الابعد رجوعي

وخلاص قررت ان وقتي في السياره مايضيع

اشتريت قرآن صغير واقعد اقراء فيه اذا كان الطرق زحمه

وحملت سور القرآن كامله في جوالي وصرت اشغله

واشتريت خاتم التسبيح والحمدالله صرت اتذكر الاستغفار والتسبيح


تصدقون كسبت في زوجي اجر الله يحفظه لي طلع مايعرف بعض الادعيه عن الرسول والحمدالله حفظ مني ادعيه

وكلام كثير في الدين

واهم شي فهمته كلمه ناقصات عقل ودين فهمته بشرح طويل وبكل هدوء فهم معناه سبحان الله والله الرجال مساكين يركضون ورى لقمة العيش ويغفلون عن امور الدين ولازم نذكرهم فـذكر ان الذكرى تنفع المؤمنين <<انا فيني نقص حالي حال زوجي بس اجتهد واحاول اقراء في امور الدين

انا معاي شهاده جامعيه وفيه ادعيه واحاديث واحكام مادرسنها ولا عرفتها الا من النت


معليش كلامي ملخبط بس كتبت كل ماجال في فكري لكم وان شاء الله تستفيدون من كلامي

ونعين ازواجنا واهلنا في امور دينا

انا كل اسبوع اجتمع معي اهلي فــاحفظ حديث وشرحه واذا سمحت لي الفرصه وشفتهم مجتمعين قلت الحديث مع شرحه

واذا صرت في جمعة حريم قلته <<اقول بشكل حلو خفيف على النفس وبشرح مبسط حتى ماينفرون من الدين

يعني استغل الموقف في القاء الحديث

مثال عجوز كبيره بالسن من حطينا العشا قالت حطو لضعوف الخدم ولا تنسون وبسرعه ذكرتهم بالحديث
عن أبي ذَرٍّ رَضِيَ الله عَنْهُ قَالَ: قال النبيُّ صلى الله عليه وسلم : " إِخْوَانُكُمْ خَوَلُكُمْ، جَعَلَهُمُ اللّه تحْتَ أيْدِيكُمْ. فَمَنْ كَانَ أخُوهُ تَحْتَ يَدِهِ فَلْيُطْعِمْهُ مما يأكُلُ وَلْيُلْبِسْهُ مِما يَلْبَسُ.ولا تُكَلِّفُوهُمْ ما يَغْلِبُهُمْ فإنْ تكلَّفوهُمْ فأعِينُوهُمْ ".

بنات ولاتنسون قناة السنه فيها احاديث اول مره اسمعها واستفدت منها ولاتنسون قولو لاامهاتكم واخواتكم عنها والدال على الخير كفاعله..



اترك النقاش لكم

:26:
دمتم بود

جوري بنت خالد
37
2K

يلزم عليك تسجيل الدخول أولًا لكتابة تعليق.

تسجيل دخول

غابة النخيل
غابة النخيل •
جزاك الله خيرا ياقمر
мίşş^$ό$ό..}~
мίşş^$ό$ό..}~ •
الله يشفي بنتك ويخليهآ لكم ياارب
ويجزآآك الف خير على كلآمك الحلوو
والله لآيضيع أجررك
من سن سنة حسنه فله اجرها واجرمن عمل بها
شذى الورد@
شذى الورد@ •
صادقه
جوري بنت خالد
جوري بنت خالد •
мίşş^$ό$ό..}~ мίşş^$ό$ό..}~ :
الله يشفي بنتك ويخليهآ لكم ياارب ويجزآآك الف خير على كلآمك الحلوو والله لآيضيع أجررك من سن سنة حسنه فله اجرها واجرمن عمل بها
الله يشفي بنتك ويخليهآ لكم ياارب ويجزآآك الف خير على كلآمك الحلوو والله لآيضيع أجررك من سن سنة...
الله يجزاك خير ياعسوله
ام شروق8
ام شروق8 •
جزاك الله خير

صادقه والله فى المدن الكبيره يضيع وقتك بس فى الطريق

وزحمة السيارات والوقوف عند الاشاره

اعانك الله على فعل الخير