شلونكم
مبارك عليكم قرب الشهر الفضيل واعاننا الله على صيامه وقيامه ياااارب
اليوم بطل عليكم بطريقة الكوكيز وهي للا مانه حلوه وسهله
نبدأ
اول شي نسخن الفرن على درجة 180درجه
وبعدين لازم الزبده تكون على درجة حرارة الغرفه
وايضا المقادير بأكواب القياس الاساسيه وملاعق القياس
وهذي صوره لتوضيح اكواب القياس
المقادير
2وربع كوب طحين
نص كوب كاكاو ساده بودره
ربع ملعقه صغيره قرفه
1ملعقه صغيره بيكربونات الصوديوم
نص ملعقه صغيره ملح
1كوب زبده لينه
ثلاثة ارباع كوب سكر عادي ابيض
1كوب سكر بني فاتح
2بيض
1ملعقه صغيره فانيليا
2كوب شوكلاته الدمعه
نجي للطريقه
ننخل المكونات الجافه مع بعض(الطحين والبيكربونات والملح والكاكاووالقرفه)
ونخلط الزبده مع نوعي السكر بالخلاط الى ان يصبح مثل الكريمه وبعدين نضيف البيض بيضه بيضه ونضيف الفانيلا ثم نضيف المكونات الجافه وبعدين الهيرشي
ونستخدم خلاط العجن افضل وتصبح العجينه ثقيله ونشكلها كور على حسب ما تحبين
ونضعهم بصينية الخبز موضوع عليها ورق الزبده ونخليهم متباعدين عن بعض ثم ندخلهم الفرن لمده لا تتراوح 10 الى 12 دقيقه فقط اذا تحسستيها بتشوفينها لينه بس عادي بتيبس اذا بردت
هذي صورة ورق الزبده
وهذا شكلها صدقوني التصوير مو معطيها حقها خصوصا انها بالشوكلاته بس جربوها واحكموا
وبالعافيه وهذا اجتهادي وان شا الله يعجبكم
ارجو الردود السنعه والدعوه ليه بسعة الرزق لي ولكم ياااارب
ومبارك عليك الشهر الفضيل