السلام عليكم ورحمة الله وبركاته
هذه اول تجربة لي في الكوكيز والحمد لله طلعت ناجحة
اترككم مع الطريقة والصور وانتم احكموا
المقادير
كاس سكر بودرة
كاس دقيق
كاس كاكاو بودرة
اصباعين زبدة طرية بحرارة الغرفة
لوح شوكلاته مكسر قطع صغيرة { والافضل يكون اللوح نحيف عشان يسهل تكسيره}
صنوبر مجروش هذه صورته
الطريقة
1}في وعاء اخلطي الدقيق والسكر وبودرة الكاكاو والزبدة مع بعض
... اعجنيهم زين الى ان تتكون لك عجينه طرية لونها بني غامق { في البدايةراح
تلاحظي انه العجينه ناشفه ومتناثرة وما تنعجن لكن استمري بالعجن وراح تتكون}
2}اضيفي قطع الشوكلاته والصنوبر واعجني الى ان تتجانس العجينه معهم
3}احضري صينية وافرشيها بورق الزبده {تراه اريح في الكوكيز من دهن الصينية بالزيت}
4}ابدئي بتكوير العجينه الى كور قطرها تقريبا 2 سم .. مولازم تكون كروية تماما ..
الغرض منها.. انها بعد ما تدخليها الفرن راح تفرش معك.. عشان كذا خلي مسافة
بين كل كرة واخرى
{ اذا حابه الكوكيز يكون كبير كبري الكور}
5} دخليها الفرن وخلي النار من تحت .. في الرف الوسط .. على درجة حرارة 350
.. تقريبا من 15 الى20 دقيقة
6} طلعيها من الفرن... وراح تلاحظين اذا لمستيها انها مرررة طرية كانها لسه ما استوت
... اتركيها تبرد في صينيتها على راحتها وهي راح تقسى لحالها اذا بردت..{لا تحاولين
تشيلينها من الصينية اول ما تطلعينها من الفرن لانها بتكون مرررة طرية وما راح تنشال لك}
وهذه صورتها النهائية :p:32:
شوفوا كيف الصنوبر وقطع الشوكولاته من الداخل
ان شاء عجبكم انتظر ارائكم .. لا تطنشون
حبيبتي اللي أنتي ضفتيه كأنه صنوبر مو لوز وإلا....!!