بما أن الموسم موسم امتحانات..حابه اعرض طريقة للكوكيز بالتمر..
وان كانت قديمه فالعذر والسموحه..
خفيف وسريع ماياخذ وقت..ينفعك للفطور خصوصا للأولاد مع المذاكره..
انا احطه لأخوي اذا جاه اصحابه..ينفع وقت الزنقات وسهل حفظه..
ماتلاحظون اني اتكلم كثير اليوم..وانا متقصده عشان ابي الصور اللي في الموضوع
تتحمل وتظهر وانتم تقرون الكلام..
المهم نجي للجد..
المقادير:
2 كاس دقيق أبيض
1كاس سكر مطحون بودره
1 كاس جوز مجروش او 1 كاس لوز مجروش (( أنا افضل اللوز احب طعمه وخفيف وكل واحد حسب ذوقه وممكن تضعين كاس مخلوط من النوعين))
1 كاس تمر مقطع انصاف ((خليك كريمه في التمر..يعني كل ماتحطي في الكاس اضغطي عشان ياخذ كمية تمر زياده يطلع الذ))
1 اصبع زبده بحرارة الغرفه ((100 جرام))
2 بيضه
ا ملعقه اكل باكنج باودر+ذرة فانيلا+ذرة هيل+ذرة ملح
الطريقه:
طبعا اخلطي المقادير الناشفه اولا..وافركيها بالزبده..
وبعدين اضيفي اللوز والتمر والبيض واعجني..
تطلع العجينه بهالشكل..
لو تبون العجينه تكون اسهل في التشكيل..حطوها بالثلاجه حوالي 10 دقايق بس..
انا والله حطيتها كذا بالصدفه..لأن الجو عندنا حار وكنت ابجهز الفرن واجهز الصينيه
قلت احطها بالثلاجه بس الين اجهز كل شي..وفعلا صرت اقدر اتحكم فيها احسن..
المهم ناخذ من العجينه كوره اصغر من البيضه ونكورها بين الكفين ونضغط عليها
الين يصير شكلها دائري..ونرصها بالصينيه ((بدووون دهن الصينيه لأن العجينه فيها
زبده ماراح تلصق))..بهالشكل..الكميه هاذي سوت 28 حبة كوكيز..
لو حابه تصغرينها اكثرراح يطلع عدد اكبر..
نخبزها..وخذي بالك انها ماتطول ابدا..يعني يكفيها ربع ساعه..ونتركها تبرد..
للتزيين ((هذا اختياري)):
حوالي نص كاسه سكر مطحون مع فنجال مويه..نذوبهم ونرش البسكوت على شكل
خطوط ونقدمه..
الف صحه وعافيه..وسامحونا لو ماعجبكم..لاتدعون علي..
بس سؤااال ((حوالي نص كاسه سكر مطحون مع فنجال مويه..نذوبهم ونرش البسكوت على شكل خطوط ونقدمه..))
مرة سويت هالطريقه وما ضبطت ويااي ..يعني السكر لما اخلطه مع المااي ما يطلع نفس الصورة ..
كيف قدرتي تسوينهااا؟