Chocolate Chip Cookies
جبت لكم طريقة كوكيز لذيذه جدا..
أخذت الطريقه من موقع أجنبي .. وطبقتها وطلع الكوكيز لذيذ وطري من داخل
بسم الله
المقادير:
- 226 غرام زبده غيرمملحه بدرجة حرارة الغرفه
انا استخدمت 200 غرام فقط من زبدة المراعي
- ثلاثة ارباع الكاس سكر ابيض (150 غرام)
- ثلاثة ارباع الكاس سكر بني (150 غرام)
- 2 بيضه كبيره
- 1 ونص ملعقة شاهي فانيليا
- 2 كاس وربع دقيق
- 1 ملعقة شاهي بيكنج صودا
- نص ملعقة شاهي ملح
- كاس ونص قطع شوكولاته هيرشي (Semi-sweet) ـ 270 غرام
- كاس من قطع عين الجمل الصغيره ( اختياري) انا ماجربته المره الجايه اجربه
::
::
الطريقه:
1- شغلي الفرن على الدرجه 190 درجه
2- أخلطي الزبده في الخلاط .. حتى تصير لينه وكريميه
انا أستخدمت هذا المضرب لعمل الكوكيز من البدايه للنهايه..
3- ضيفي السكر الابيض والبني .. ويخلط زين مدة 2 دقيقه
4- ثم ضيفي البيض وحده ورا الثانيه .. وتأكدي انهم اختلطو كويس
5- اضيفي الفانيليا .. يمكن تحتاجين ترفعين المضرب وتشيلين الخليط اللي على الاطراف لتحت عشان تتأكدين انه يختلط زين
6- بعدين في صحن كبير اخلطي الدقيق مع البيكنج صودا والملح
7- ثم ضيفيهم على خليط البيض شوي شوي .. وتخلط زين
8- ضيفي قطع الشوكولاته ( وعين الجمل اذا حابه) ..
9- طفي الخلاط .. شيلي الخليط..
وفي صينية الكوكيز مثل هذي
حطي عليها ورق الزبده ..
ثم وزعي الكوكيز في الصينيه باستخدام ملعقة الايس كريم
او تقدرين تستخدمين ملعقتين طعام وحده تشيل من الخليط والثانيه تنزلي فيها الخليط في الصينية..
واتركي مسافه بينهم ..لان الكوكيز بيتمدد مع الحرار.
10 - تدخل الصينية الفرن لمدة 12 -14 دقيقه
لانها تستوي بسرعه .. وماتطو حتى ماتحترق من تحت او تنشف من داخل
وهذي النتيجه :)
وهنا من داخل .. طريـــــــــه
اذا حبيتي تكون قطع الشوكولاته واضحه من فوق ..
شيلي شوي من قطع الشوكولاته قيل تضيفينها على الخليط.. ولما تحطين الكوكيز في الصينيه ضيفيها من فوق ودخليها.
على فكره الكوكيز بالصور طالع غامق .. وفي الواقع هو افتح من كذا بشوي !!
وعليكم بالعافيه حبيباتي ..
واللي تجرب الطريقه وتعجبها لاتنسى تدعيلي ان الله يتمم لي حملي على خير .. ويسهل ولادتي :)