صبايا ممكن تساعدوني احب الكوكيز مره واذا شريت كم حبه غالي سعره خذيت خليط جاهز للكوكيز بس ماضبط معي فلي عندها طريقه للكوكيز وكيكه الكوكيز
ياليت تساعدوني
مي عبد الرحمن @my_aabd_alrhmn
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
هذي مكوناتها المعروفه :
اصبع ونص او حوالي ثلاث ارباع كوب زبده غير مملحه طريه مش ذايبه .
نص كوب سكر ابيض
ثلاث ارباع كوب سكر اسمر بني
اخفقي المكونات السابقه مع بعض لمدة دقيقه
ثم اضيفي له 2 بيض + ملعقه صغيره فانيلا واخفقيهم دقيقه
ثم اخلطي على جنب 2 كوب وربع طحين ابيض + ملعقه صغيره بيكربونات الصودا + رشة ملح
ثم اضيفيهم للخليط وامزجيهم مع بعض ثم اضيفي له 1 كوب حبيبات الشوكلاته هيرشي واخلطيه ثم غطيه وحطيه بالثلاجه 10 دقايق عشان يتماسك
واثناء التبريد سخني الفرن بحرارة 180 درجه
ثم ابدأي شكلي الخليط كورات او بملعقة الايسكريم ووزعيه على صينية واسعه مغطاه بورق الطبخ عشان مايلصق واتركي بينهم مسافه لانه راح يهبط ويكبر حجمه اثناء الخبز بالفرن .
ودخلي الصينية الفرن المسخن من تحت لمدة 5 دقايق على حرارة 180 درجه ثم خففي الحرارة الى 140 درجه واتركيه يادوب 3 أو 6 دقايق ثم خرجيه من الفرن واتركيه يبرد ثم شيليه .. لا تتركينه ينشف ويتماسك كثير لانه ماراح يكون طري بقوام الكوكيز .
المكونات الموضحه تعطيك حوالي 30 إلى 45 قطعه كوكيز حسب حجم القطعه .
كذلك كيكة الكوكيز نفس المكونات اقسمي العجينه قسمين وافرديها بصينية على شكل قرصين كبيره بنفس الحجم واخبزيها بالفرن يادوب 10 دقايق الى 15 دقيقه ثم خرجيها وهي ساخنه انثري بالنص حبيبات شوكلاته واضغطي عليها شوي بالملعقه او نوتيلا ثم اتركيها تبرد وقدميها .