اليوم غيرت من الرئيسيه للحلا تنويع وتجديد
اليوم انا مسويه كوكيز وميني كوكيز(((ساهر))) ومعمول
نبداء بالكوكيز
المقادير:
100غرام زبده لينه
3/4كوب سكر
رشة ملح
شوية فانيليا
1/2كوب نشاء
3اكواب دقيق
فنجال قهوة زيت
شوية مويه بس للعجن
نخلط المقادير كلها مع بعض ماعدا المويه ونعجن زين
وبعدين نضيف المويه شوي شوي حتى تصير عندك عجينه متماسكه وسهلة الفرد
نتركها ترتاح 5دقايق وبعدين نفردها بسمك 1سم تقريبا
ونرش عليها سكر ونمرر النشابه بشويش بس علشان يتماسك السكر مع العجينه
ونقطعها حسب الشكل اللي نبيه ونحطها بالصينيه ونخبزها بالفرن دقايق حتى تتحمر خفيف
ونطلعها ونشيلها ونحطها بحافظه
ميني كوكيز ((سميته ساهر علشان الالوان تذكرني باشارة المرور ))
نفس عجينة الكوكيز بس ماارش عليها سكر
بعد مااخبزها وهي ماتطول لانها صغيره
اطلعها اكون مجهزه سكر بودره واخلط معاه ملون طعام حتى يصير عندي صوص ثقيل وابداء الون فيه الكوكيز
مازال العرض مستمرا
ملاحظة::
باقي المعمول بس انتظروا 24ساعه مع هالنظام اللي ماادري متى بيفكونا منه
ومنتظرين منك المعمول