امس بالليل كالمعتاد جاتني اخت زوجي وبنت اخوه يتعشوا معايه ويسهروا عندي
وحده منهم جابت العشا معاها وانا قلت بسوي حاجه حاليه نتسلى عليها
وجلست احوس في الاغراض اللي عندي وما لقيت متوفر غير مقادير الكيك فقلت خلاص اسوي كيكة الشوكولاته اللي اضبطها
وحطيت عليها تغليفة الشوكولاته بالنوتيلا وزينتها بالهرشي
ولما ذاقوها البنات انهبلوا عليها وحلفت علي اخت زوجي الا انزلها في المنتدى >>>>>>>>> يكفي بكش خخخخخ
بوريكم صورتها وبعدين اعطيكم الطريقه
ومعليش ما صورت طريقة عملها لاني ماكان في بالي بنزلها بس من اسهل الكيكات ما يحتاج تصوير
شايفين كيف الصوص يقوطر على قولة البنات خخخخخخخخخخ
وهذي صوره بالفلاش
نجي للطريقه والمقادير بالكوب المعياري
تحطي في زبدية الخفق كوب حليب سائل اي نوع ممكن تذوبي ملعقتين حليب بودره في كوب مويه وتحطيه
تنخلي عليه كوب وثلثين الكوب دقيق
وبعدها تنخلي عليه نص كوب كاكاو بودره
وتضيفي 3 حبات بيض
وبعدين كوب سكر ناعم مو بودره ورشه فانيليا
وبعدها تحطي اصبع زبده ذايب من الجو مع ربع كوب زيت
وتحطي ربع ملعقه صغيره بيكنج بودر
وتخلطي بالخلاط على سرعه بطيئه وبعدين سرعيها واخلطي لمدة خمس دقايق
ادهني صينيه متوسطه قطرها 22 سم وبطنيها بالدقيق
وصبي فيها الخليط ودخليها الفرن من تحت لحد ما تستوي وتحمر ما يحتاج من فوق الا اذا ما نشفت ولعي عليها شويه
وبس وطلعيها الين ما تبرد
وعلى بال ما تبرد اعملي الصوص
حطي بالخلاط ظرف دريم ويب + ملعقه كبيره كاكاو بودره + ملقتين مليانه نوتيلا + نص حليب مركز ابو قوس تبع الشاهي
واخلطيها كويس وبعد ما تبرد الكيكه غطيها بالصوص طبعا انا قصيتها من الوسط وحشيتها من جوه
وتلذذي باطعم كيكة شوكولاته على الاطلاق والله ماراح تندمي اذا جربتيها
