هذي مجموعة الفراوله من بدي شوب وفيه برايد من نكتار لكن ماعرف كيف استخدامهم ومتى

ربي يسعدك ويوفقك

شوفي حبيبتي.. أنا مثلك أكبر اخواتي و توهقت كثير .. فكرة سديدة انك استشرتي اخواتك هنا

عموما انا اشتريت مجموعة تقريبا مثلها لكنني مانيب عارفة حق مجموعتك بالضبط
لكن بشكل عام

تشوفين مع المجموعة قالب صابونة.. هذي تغسلين فيها يدينك قبل و بعد الأكل مثلا أو بعد استخدام المرحاض و غيره

و معها جل استحمام (shower gel) و تستخدمينه مع الليفة لجسمك أثناء الاستحمام

و معها مقشّر أو (scrub) و هذا يكون شوي خشن تقشرين فيها بشرة الوجه أو الركب و الأكواع مع الاستحمام أو بدون .. ثم تغسلينها بالموية

و معها بخاخ الجسم (body spray) ضروري ترجّين العلبة على خفيف قبل الاستخدام.. و طريقتها أنك تبخين منها على كامل الجسم بعد الاستحمام و جسمك مبلول أو نديّ و يستحسن تبتعدين عن المناطقة الحساسة.. و راح تجلس ريحتك منعشة لعدة ساعات :)

و مع كريم مرطب و يجي بعدة أسامي (lotion - cream - moisturizer) تستخدم عادة على الأماكن المعرضة للجاف مثل اليد و الذراع بشكل عام.. و الأقدام و السيقان بشكل عام .. ممكن تستخدمينها للوجه .. لكنني أفضل أنك تستخدمي كريم مرطب خاص للوجه

العلبة الصغيرة ما عندي مثلها.. لكنني أتوقع أنها مرطب للشفايف.. أنتي أقرأي المكتوب عليها

الله يوفقك ويسعدك أولاً ... ثانياً حبيبتي ليش ماتجيبي وحده تعملك الواكس او السويت وتعملك حمام مغربي وسكراب للجسم كله قبل زواجك بيومين بيطلع جسمك ناعم مثل الحرير واشتري مجموعة للجسم تكون راقية يعني مثل الأطقم اللي عند فيسز مثلاً عندك مجموعة شانس من شانيل شاور جيل تغسلي فيه جسمك ريحته خطيره مره وعطر للشعر نفس المجموعة بعد ماتغسلين شعرك تبخين عليه كم بخه وهو رطب او جاف وبعدها فيه كريم للجسم كامل وفيه كريم فلفت نفس المجموعة ريحته خطيره ويعطي لمعه للجسم ونعومة مثل المخمل واخر شيء العطر حق المجموعة .. وعندك ديودرنت ( مزيل رائحة العرق) من نكتار من مجموعة هوت ستيك ريحته مره تجنن بزبدة الكاكاو تفتح البشرة وريحته حلوووه .. والمشغل روحي من العصر عشان تخلصي بالوقت المحدد وخذي معاك فرشاة أسنان ومعجون وغسول للفم واي شيء تاكليه لانه بعد ماتطلعي من الصالون ماحتقدري تاكلي فقبل يحطو لك الروج تنظفي اسنانك وتحطي الروج وتلبسي وتطلعي ع الوقت واذا قبل الوقت يكون احسن ومسكتك اذا ورد طبيعي استلميها ع المغرب عشان ماتذبل عندك ... اه تذكرت شغله اذا بتصبغي شعرك وتشقري حواجبك خليها قبل الزواج بيوم عشان تقدري تصلحي حمام زيت لشعرك لان الصبغة تجفف وحمام الزيت اعمليه بكريم وابعدي عن الزيوت لانها تنزل الصبغة وتقلب لونها ع اورنج وتشقير الحواجب دايماً قبل بيوم مع حف الوجه عشان مايحسس وجهك وفيه كريم تشتريه من الصيدلية نسيت اسمه تحطيه بعد الحف والتشقير عشان ماتتهيج بشرتك ... واي سؤال انا حاضره .. خبره طازه ماكملت سنة من تزوجت الله يوفقنا وياك ويكتب لنا اللي فيه الخير ولاتنسي اذكارك مع التوتر والعجئه ..

الله يوفقك يارب انا زيك بالضبط عروسه وماعندي اخوات والله يسعد البنات استفد منهم مره :)))))