شعور متأرجح مابين النعاس الشديد والصداع ومابين قليلا من الفرح ومابين كثيرا من التعب والكرف .. ومابين هستيريه غير منتهيه

والله اني هذي السنة اول مره اعيد بدون اهلي واقاربي وبدون السعودية بلادي

واه يابنات من خاطر صادق ......... ماعرفت قيمة تراب بلادي الا لمن خرجت منها ..... اجل كيف باهلي واقاربي

وكيف بالعيد اذا جاء

صحيح البلد اللي انا فيه محترمين

بس مايغني عن بلدك مره مهما كان ......... ياما تحسفت اني ضيعت وقتي بدون ماابر امي وابوي

بدون مااظن في الناس خير .... بدل المشاكل السخيفة اللي كنت افكر فيها

ليتني اقعد معهم ساعة بس بكرة اعيد معهم واكل من سفرة العيد حقتهم واشرب قهوة السعودية اللي ريحتها في عروقي

مااحد يحس بالعيد هنا

الكل في المدارس ودوام وغير انهم ديانات اخرى لاهين عنك ولا يدرون

تتمنين تسمعين السلام عليكم

يااخوات انا ماابغى احزنكم واللي عندها هموم الله يفرجها لها

بس كوني مؤثرة بايجابية دايم .... ترين مو بس عائلتك تنتظر منك شيء ايجابي بل الامة كلها

بعطيكم افكار وان شاء الله تساعد

بعض البنات طفشانين يمكن لان الجو اللي يجلسون فيه مو مسلي

اقتراحاتي ابدأي بالبنات الصغار روحي ابو ريالين وجيبي لهم خرز ونوعي اشكال والوان ومطاط وخليهم يسوون معك اسوارة او عقد بنفس لون ملابسها حقت العيد ..يعني طقم تنورتها او بلوزتها ... وفي النهاية تكونين نميتي فيها شيء حلو وهيه افتخرت قدام البنات انها سوت حاجه حلوة ونجحت فيها

وتبقى تذكار



............................

الاولاد الصغار انا بصراحة كنت اشتري العاب نارية حقت العيد واروح والعب معهم وبالتالي تكونين معهم في شيء يبسطهم و يكون آمن باذن الله عشان انتي معاهم

........................... بصراحة حتى الكورة كنت العب معهم في الحوش او الاستراحة

و اذا جات جمعة الحريم احيان تكون مملة صراحة بس احيان احاول افتح مواضيع تضحك يعني اسال البنات عن مواقف مضحكة مره

في الجامعة في البيت عند خطيبها الخ ..................

والله العيد حلو وكل سنة أفرح فية الحمدالله لكن هذا العيد لا جالسة في البيت هذي السنة كلها مو حلوه لاعيد ولارمضان ولا الصيف الله يعوض علي وعلى كل مسلم

يارب رحمتك مصدومه من كلام الأخوات

لاحول ولا قوة لا بالله

الله يهنينا بالعيد

والله الواحد من هالكلام يخاف العقوبة

من زمان مافرحت بالعيد بعيده عن اهلي وهالسنه كل جماعتنا راحوا عند اهاليهم ومابقى غيرنا