أحلى سلام لأحلى متزوجات
عندي لكم ليلة جديدة بس غير شكل جربتها و اعجبت زوجي كثير
عاد قلت لازم اقولها لكم حتى تجربونها
في البداية تحتاجين ترتبين لهالليلة قبلها بكم يوم
تحتاجين تغيرين شوي في ديكور غرفة النوم أشياء بسيطة
مثلا مفرش للسرير جديد يكون أبيض اللون ~ مفارش للكومدينو كمان اللون أبيض ~
زهور و ورود مجففه أو طبيعيه في مزهرية على التسريحة مثلا ~
شموع فواحه صغيرة تشترين كمية كبيرة منها ( الشمعه الوحدة تقريبا بريالين )
جهزي شجرة من الأشجار اللي أوراقها بلاستيكيةالموجودة في المنزل و ثبتي فيها ورود صغيرة أو اشتريها جاهزة
هذا اللي يخص غرفة النوم
بالنسبة لك انت جهزي لك فستان عرايس منفوش استأجريه من أحد المشاغل
أو خذيه استعارة من أحد صديقاتك أو قريباتك تكون عروس جديدة و عندها فستان جديد
أنا استعرته من قريبتي طبعا بالكامل التاج مع الطرحه
( بس انتبهي اذا أخذتيه استعارة مو تقولين له هذا فستان فلانه لأ قولي اجار حتى ما يتخيل
البنت وهي لابسته )
طبعا ضروري تجهزين البشت الخاص بزوجك
بالنسبة لأولادك حاولي تتركيهم عند أحد أقاربك أو صحيهم بدري في اليوم اللي تنوين فيه
تجهيز الليلة حتى ينامون في الليل بدري و ما يزعجوك
بالنسبه للوجبة جهزي عصير طازج و كيكة من صنع ايديكي
بالنسبة لي أحب دايم أجهز وجبة دسمة مثل الصواني في الفرن أجهزها و اتركها في الفرن
اذا حبيت أحضرها أسخنها على السريع
والحلى اكتفي بالحلى البارد البسيط مع العصير
نجي ليوم التنفيذ حاولي تعشين الصغار قبل صلاة العشاء حتى بمجرد الآذان
يصلوا وعلى غرفتهم ينامون اذا كنت من بدري مصحيتهم ان شاء الله ينامون و يستغرقون في النوم و ما يحسون بشيء
أنت صلي و بعدين بسرعة جهزي غرفة النوم طبعا كلها أشياء سريعة تقدرين
تجهزينها في دقايق
بعدين ادخلي الحمام اتحممي بصابون معطر جربوا(( دوف )) رهيب بعد الإستحمام
رشي بودرة معطرة على جسمك
وقبل لا تخرجين عبي البانيو ماء ساخن الأفضل يكون ساخن حتى يحتفظ بحرارته لوقت
متأخر لإنك ماراح تحتاجينه بدري
طبعا نسيت لا أقول لكم شعرك بمجرد خروج زوجك من البيت ارفعيه لأعلى ببكلة زي ذيل
الحصان ولفيه خصل صغيرة بلفافات العظم طبعا هذي تسريحه سهلة و سريعة حتى بعدين
بس تفكين اللفافات و تثبتين التاج في أعلى الراس بحيث تخرج الخصل المبرومه من وسط
التاج و تحتها مباشرة تثبتين الطرحة ( طبعا يعتمد على نوع الطرحه )
طيب اللحين الصغار نايمين و صينية المكرونة جاهزة في الفرن و الحلى و العصير في الثلاجة و انت لابسة الفستان و كاشخة مع تسريحة الشعر و الطرحة و طبعا المكياج
أكيد ما راح تنسونه
أرسلي لزوجك رسالة في الجوال تكون حلوة يحس انه فيه شيء ينتظره في البيت
و زعي الشموع الفواحه في كل مكان في الغرفه على التسريحه و على الأرض و على الكومدينو في كل مكان
و بشت زوجك علقيه عند الباب بعد ما تبخرينه طبعا و حطي عنده الطيب حتى يتطيب اذا دخل
البيت و حطي جنبها كم شمعه فواحه حتى ينتبه لأغراضه لإنك راح تقفلين كل الأنوار
و يكون البيت ظلام دامس ما عدا الشموع اللي تملىء غرفة النوم
و كم شمعة في الممرات بالأضافة للشموع اللي عند الباب
اتركي عند البشت بطاقة و اكتبي فيها اللي تحبين يعني كلمات حلوة مع فرفشة
تبغون تعرفون انا ايش كتبت ؟
خلاص اللحين كل شيء جاهز آخر شيء تعملينه روحي الحمام و رشي زيوت عطريه
في الماء اللي في البانيو و حطي كم وردة كاملة و الباقي اكتفي بس بأوراق الورد
طبعا خلي الورد آخر شيء حتى ما يذبل من حرارة الماء
بعد ما تنتهين من كل شيء طفي كل أنوار البيت لا تخلين ولا نور اتركي البيت يسبح في نور
الشموع
خلاص بعد الإنتهاء من كل الترتيبات روحي و اجلسي على طرف السرير أو على الكنبة
و خلي عيونك في الأرض( و ياليت تكونون شوي رقيقات و تتركون الدفاشة للصباحيه )
يعني خليك زي النسمة في حركاتك و كلامك هاديء و ناعم
طبعا اذا دخل عليك غرفة النوم وشاف عروسة تنتظرة وش راح تكون ردة فعلة
هيا جربوها و ادعوا لي صدقوني ازواجكم راح ينهبلون عليها
الف الف مبروك والله يهنيك ويسعدك انت وزوجك ويجعل ايامكم كلها عسل