كوني عنده كعروس

دايما البنات ما تتجمل الا في مناسبه او مدرسه أو بيجون ناس عندها أو اذا تزوجت لدرجه كثير شفتهم ماتمشط شعرها الا إذا زوجها حاضر وتبقى كأنها مارد حتى الفرشاه ماتلمس أسنانها وهذا حالها اذا سمعت فيه مناسبه
تبدى تطلع ملابس محبوسه عطور مكياج
وتركض ورى رضا الناس فلانه ما خطبتني
فلانه ماعزمتني
فلان مايبيني مع اني شريت ملابس بالاف الريالات ويمكن راحت السحرة ومانفع
لكن اذا جت تصلي الحلال ممزق والسجادة باليه
والشعر مدهون
وريحه القميص بصل
وتنقر الصلاه كنقر الغراب
وتجلس تدعي بعد الصلاه على فلان وفلانه وليش ماستجاب الله دعاءي يمكن مافي فايدة من عملي هذا كله .
لحظه تعالي اسمعيني قبل تركضين على السناب أو تلاحقين ناس سحبت عليك
اذا جيتي تصلين البسي احلى فستان من دالوبك القديم الجديد المهم طلعي شي جميل واشتري ارق جلال صلاه مع سجادته رشي عطر
خصصي غرفه منسقه أو ركن انيق بالحوش جنب الزرع صلي وتاني وادعي ان الله يرضى عنك لا تصلي ليعطيك زوج أو حب زوج أو وظيفه صلي لان الصلاة الركن الثاني من أركان الإسلام ماشي ؟
واذا خلصتي الدورة أو النفاس قبل تركضين تتلبسين لأجل بشر وتعلقين قلبك به
استعدي باجمل الثياب كعروس والعطور للعودة إلى أحضان الصلاه السكينه الطمأنينة والله قال (ولسوف يعطيك ربك فترضى)
والله الله بالصلاه يابنات والله يرضى علي وعليكم .