كويتية...تطلب خواتها بنات الشرقية

هلا اختي وحياك الله في ديرتك الثانيه بين اهلك وخلانك
المهم رح اعطيك المحلات اللي اقدر عليها والباقي خواتي ان شاء الله رح يفيدونك
بالنسبه للمجمعات عندك بالدمام مارينا مول على الكورنيش والشاطيء مول حلوين واسعارهم احلى والتمشيه للاطفال عندك كورنيش الدمام كله للاطفال على امتداده وفن تايم بيتزا
المطاعم كوبر شندي اكله هندي ومطعم دارين بحري وشيزان هندي كلهم اكلهم حلو
الخبر عندك مجمع الراشد لكن جيان احلى مجمع الظهران ماركات
جمعه سنتر ملابس سهره وكرمك الله جزم - ومقابل المجمع محلات ميموزا وغيره
عندك مجمع الخبر بلازا ومحلات العبي رح تلقين بدون اسم وبوكنان
والتمشيات القلعه وكورنيش الخبر وفي بفؤاد سنتر توي تاون +سوق بس محلاته كل مال وتنقرض وعندك المخازن الكبرى بين الخبر والدمام فيها مطاعم حوالينها والعاب للاطفال وسوبر ماركت كبيره
والمطاعم عندك قصر الملتقى + السنبوك بحري + دارين بحري فرعه بالخبر + غابة الزيتون ايطالي + بيت التنور وهذا اللي في بالي اتمنى اني قدرت افيدك وتمنياتي بقضاء وقت ممتع بالشرقيه

نسيت اقولك سوق السويكت في محل اسمه عبايات الخالدي عباياته رخيصه وفي السوق على امتداده مجمع الخبر بلازا فيه عبايات بدون اسم الدور الثاني راقيه العبايات تصلح للمناسبات والسويكت كله فري فيه فر رح تلقين فيه شغلات حلوه سلامم

مرحبا حبيبتي بتنورين الشرقيه في بعض المجمعات اللي تحسينهم عائليه اكثر من غيره مثل المارينا مول بكورنيش الدمام ومجمع بن خلدون في الدمام بشارع بن خلدون الظهران مول و مجمع الراشد في الهبي لاند ملاهي على كورنيش الدمام وبعد ملاهي محمدبن فهد وفي بعد في القطيف اسمها قلعت القطيف الترفيهيه فيهالعاب للاطفال وفيها مطعم ومقهى والمجمعات اللي ذكرتهم لك عندك بوكنان بتلقينه في المارينامول بتلقين عنده عبي المناسبات والكشخه بس غالي شوي يعني اخر عباه اخذتها منه طلعت علي حوالي الالف وميتين ريال اما العبايات الرخيصه ما ادري عن الخبر والدمام بس اعرف محل اسمه بنت النور في الجبيل وما اعرف اذا فيه فيالدمام او الخبر الاسواق شارع الحب في الدمام0 شارع السويكت في الخبرفي محل يسمونه طابا شامل كل شي وسعاره حلوه يعني لك ولزوجك والاطفال وفيه محل عبي وفيه محل اكسسوارات ومكياج وكن في واحد يبيع عطور وزيزت للشعر ومادري وشو بنسبه للمطاعم ماعندي خلفيه كثير لان بلمجمعات في مطاعم كثير ومتنوعه وليش ماتروحين البحرين واذا تبين معلومات عن البحرين قوليلي وانا حاضره ياعيوني بس ابي منك طلب انا جيت الكويت قبل فتر بس ماعرفت وين اروح ابي اعرف انتو عندكم محلات للمقاسات الكبيره بس وين وقالولي عن محل يسمونه بوخمس يقولون كله بخمس دنانير وابي محلات الجلابيات الزينه حق البيت والمسيار الخفيف ابي اعرف المكياجات عندكم ماركت متنوعه ورخيصه بس موعارفه وين ممكن تفيدين عشان اذا نزلت الكويت مره ثانيه وانشالله اكون فدتك بالمعلومات اللي عندي وحاظرين لكم يهل الكويت ولا تنسين تنزيلين البحرين طولت عليج وايد ومع سلامه وحياج الله

ماقصرتي ام نورهان...........وجزاك الله خير..............

وأتمنى زيادة بعد من البنات........................

هلا اختي محل طابا وايد حلو خصوصا القطنيات من بجامات وسبورات وايد حلو والسعر احلى والمحل كبير وشامل كل شي
وفيه بالدمام سوق الحب وسوق الجمله وفيه مجمع الواحه هذا حلو
وفي مشاتل كثيره على طريق الهاي ويه
اختي ترى اكثر التمشيات كورنيش مطاعم ومدينه ترفيهيه
نسيت شي وايد مهم على كورنيش الخبر في سايتك للعلوم مدينة الامير سلطان انا بنفسي رحت لها الدخله مجانا اذا عيالك كبار في الابتدائي رح يستفيدون كثير في جهه للعلوم وفي عالم البحار يعني تغيير اما المحاضرات بفلوس على ما اعتقد اختي احضرت واستفادو كثير بس ولدها اللي عمره اربع سنوات خاف لان صوت الرعد والبرق والمؤثرات الصوتيه كان عالي عشان كذا مارحت عندي بنت خوافه ومو متعوده وسلامتك قتلك قصة حياتي سلامممم