بنات في أسواق شعبية بقطر تكون رخيصة .. مثل شارع سويكت اللي بالخبر ؟؟؟

هلا حبيبتي عندنا سوق شعبي اسمه سوق واقف كلشي شعبي تحصلينه فيه وعندنا اسواق رخيصه اللي بضاعتها من بانكوك وسوريا مثل سوق الجبر وسوق الاحمد

وماركه سماش بوكس موجوده في محل اسمه وجوه في مجمع اللاندمارك ومحل مكياجي موجود في مجمع الستي سنتر مقابل كارفور

وعندنا محل اسمه جلامور في شارع سلوى يبيع ملابس ماركات عالميه

عندنا مجمع جديد اسمه رويال بلازا بعد حلو

وعندنا بعد مجمعات كثيره خلهم يسالون التاكسي وهو بيدلهم

واللي تبينه انا حاضره من عيوني

ختي الكوتيه ما شفت الموضوع الا والبنات ما قصروا
اختي لاتنسونا من الدعاء دعاء المسافر مستجاب وقولي لهم لا يشغلهم السوق عن مواعيد الصلاه كل مجمع فيه مكان صلاه
الله يوفقكم ويفتح عليكم
اختي الشيخه غلا حياك الله وانتوا لكم معزه خاصه يا اهل الخليج

الشيخه غلا حبيبة قلبي وانا لي بعد ناس عزيزين واااااااااااااااااااااااااايد على قلبي بالسعوديه وودي ازورها من زمان ما زرتها على العموم يا ريت تشرفينا بزيارة حلوة وانا بصير لج مرشد سياحي

سكر زيادة والله انج سكر اكسترا زياده حياج يا قلبي

فدى الاسلام قطر تغيرت وايد عن الفترة اللي زرتيها فيها وايد تغيرت يا ريت تشرفين مع بنات عمج بعد

مرحبا يابنات ياعسل

مشاءالله البنات قالوا كل شي...وسماش بوكس مثل ماقالت الاخت
بتحصلينها باللاند مارك..والاسواق الشعبيه عندج سوق الاحمد فيه شغلات حلوه مثل العبي والشيل
وسوق الجبر بعد تحصلين عندهم شغلات حلووه
اما بالنسبه لغلامور فهو صح حلو بس احس اسعاره مبالغ فيها
بس عندهم اشياء حلوه
واذا تبين ماركات عندج امبوريوم مجمع صغير فيه هالماركات
ماكس مارا-كنزو-اسكادا-ومحل اسمه سيل عندهم موسكينو
وعندج الصالون الازرق حلوو بعد

وحياكم الله واذا ماشلتكم الارض تشيلكم عيونا